1 Iri hakatama, Hayubu anadaaka ulusiku lwo akabutwa kwo,
2 anadeta kwokuno:
3 «Bulya bushigi bakadeta: “Umukazi aheeka inda yoꞌmwana mutabana.”
4 Yulwo lusiku, luzingwe neꞌkihulu.
5 Yulwo lusiku, luyizingage mweꞌkihulu kya namudidi.
6 «Ee! Yubwo bushigi bwo nꞌgabutwa kwo, ikihulu kilubwikire.
7 Yubwo bushigi, bubulage abaana.
8 Ngiisi ábali mu daakana, bakizi ludaaka.
9 Yulwo lusiku, indonde zoꞌmukyo, zibeerage mu kihulu.
10 Yulwo lusiku, si lukambanguula kwo mbutwe.
11 «Ikyanya nꞌgahuluka mu nda, kituma kiki ndakayami fwa?
12 Kituma kiki maawe akandengeteera ha kambokwa?
13 Íngifwe mu kubutwa, nangayigwejeriiri i kuzimu ku mutuula.
14 Nangabiiri nduhuusiri kuguma naꞌbaami, bo naꞌbagingi ba mu kihugo.
15 Nangabiiri ngwejiiri kuguma naꞌbatwali.
16 Kituma kiki ndakaziikwa ngoꞌmwana úkabutwa akoli fwiri,
17 «Banangora-mabi, ikyanya bali mu ba keera bafwa,
18 Abashweke nabo, ikyanya bali mu fwa, bali mu ba baluhuuka.
19 Abakulu naꞌbato, booshi bagwejiiri kuguma.
20 «Ikyanya umundu ali mu makuba,
21 Yabo bandu, kundu bayifwijiri ulufu, haliko batali mu lubona.
22 Ikyanya bali mu fwa, banaziikwe,
23 Aahago! Kituma kiki umundu angabutwa, atanabe noꞌbulyo bwoꞌkugenduukirwa?
24 «Niehe, ho nangalya, ndi mu gongeera naaho.
25 Ngiisi byo nâli yobohiri, byebyo byo bikangoleka kwo.
26 Ndakiri mu tuuza, ndanaki hiiti umutuula.