1 «Keera nꞌgavunika umutima.
2 Ngoli zungulusirwi na ábali mu njekeereza.
3 «E Rurema, si ndaaye gundi úli mu yitanga hiꞌgulu lyani!
4 Keera ukaziba ubwenge bwa biira baani.
5 Si bagweti bagasongera abiira baabo, gira lyo balonga ukuyunguka.
6 «E Rurema, keera waleka abandu bakizi mbonyoleza.
7 Bwo nyamiri ngweti ngabululuka, amasu gaani gakoli fwifwitiiri.
8 Abandu boꞌkuli, ikyanya bali mu mbona, bali mu huumirwa.
9 Kundu kwokwo, umundu woꞌkuli, akaniziizi injira yage.
10 «Haliko mwe bandi, mushubi yiji ndega.
11 Isiku zaani, zikoli maziri. Ishungi zaani, keera zahongolwa.
12 Yabo bandu, si bagweti bagaadeta mbu bushigi, gwo mulege-rege.
13 «I kuzimu, iri yangabiiri yo ikola nyumba yani,
14 na mbe ndi mu bwira ishinda mbu: “We daata”,
15 Aaho! Iri byangabiiri kwokwo, umulangaaliro gwani hayagi nangaki gubiisiri?
16 Yoho wee! Twe noꞌmulangaaliro gwani, tugamalira i kuzimu.