1 Lolagi! Nahano akola agashereeza ikihugo, anakisige mushaka.
2 Hatagaki ba ulubibi ha kati koꞌmundu ngana, noꞌmugingi,
3 Ikihugo kigashereezibwa, kishahulwe lwoshi-lwoshi.
4 Ikihugo kikoli yumagusiri.
5 Abandu ábatuuziri mu kihugo, keera bakiyulubaza.
6 Kyo kitumiri ikihugo kikoli daasirwi.
7 Abandu booshi ábashubi shambiiri, buno bakoli jengiirwi.
8 Ingoma zitakiri mu laka.
9 Abalalwe batakiri mu yimba,
10 Akaaya keera kashereezibwa, kanashaka.
11 Abandu bagweti bagahuuna idivaayi mu njira.
12 Akaaya kakoli sigiiri biguuka bimaata,
13 Mu kihugo kyoshi, abandu bakoli sigiiri bagerwa naaho.
14 Kundu kwokwo, ngiisi ábasigiiri bagweti bagabanda akabuuli, awi yiyi yiyi!
15 Na ábali isheere, bagweti bagamúyivuga.
16 Tuyuvwiti ngiisi kwo bagweti bagayimbira Nahano,
17 Mwe mutuuziri mu kihugo!
18 Ikyanya umundu agayuvwa izu lyeꞌkihuumula,
19 Ikihugo kikoli vunisiri.
20 Ikihugo kikola mu yifuka iyo munda neꞌyo munda nga mulalwe.
21 Ku lwolwo lusiku, Nahano agahaniiriza abatwali ba mwiꞌgulu, anahaniirize kiri naꞌbaami ba mu kihugo.
22 Booshi bagakumanibwa kuguma, banalashwe mu nyumba yeꞌmbohe. Mwomwo, mwo bagashwekerwa imyaka mingi, halinde ku kyanya bâye twirwe kweꞌmaaja.
23 Ha nyuma, Nahano woꞌbushobozi bwoshi