1 Ino ndumwa idesiri hiꞌgulu lyeꞌkihugo kyeꞌBabeeri. Yikyo kihugo kiri mwiꞌshamba íriri ku nyaaja.
2 Gano mabone, kiryagagi kihuume ngana!
3 Ala nie! Ngoli yuvwiti ubulyanirwe mu kibuno.
4 Umutima gwani gukola mu puupa.
5 Bakola mu baza ibyokulya binunu.
6 Ku kyekyo kyanya, Nahano anambwira:
7 Hali ikyanya angabonaga ikiso kyaꞌbasirikaani,
8 Haaho, iyo naazi inateerage umulaga, ti:
9 Lolaga, baliira bakola mu yija, bashoniri ku fwarasi, banali mu genda babiri-babiri!»
10 E Bahisiraheeri, mukahuulwa nga ngano, mwanayeluulwa.
11 Ino ndumwa iri hiꞌgulu lyeꞌDuma.
12 Uyo mulaliizi anamúshuvya: «Bukola bugaakya!
13 Ino ndumwa, iri hiꞌgulu lyeꞌkihugo kyeꞌBuharaabu.
14 Na niinyu, mwe batuulaga beꞌTema! Yaba bandu batibisiri.
15 Si batibisiri ingooti!
16 Nahano akambwira kwokuno: «Akaaya keꞌKedaari, ikyanya kagaahisa umwaka muguma naaho, ubulangashane bwako bugaamala. (Yugwo mwaka, guli nga gwo bangalagaania umukozi imbembo.)
17 Mu basirikaani baabo ábali mu fwora umuheto, hali bagerwa naaho ábagaaba basigiiri.» Kwokwo, kwo Nahano Rurema waꞌBahisiraheeri adesiri.