1 Mu naludakwe weꞌkiti, mwo muli mu lyoka ishibwe.
2 Uyo mwami, umutima gwa Nahano gugakizi beera mu kati kaage,
3 Uyo mwami, agasiima ukukizi simbaha Nahano.
4 Haliko yehe, ikyanya agakizi twa ulubaaja lwaꞌbakeni, noꞌlwa ábatindimaziibwi,
5 Ikyanya agakulikira ukuli, noꞌkugira íbikwaniini,
6 Imirunga ikolaga igakizi tuula kuguma neꞌbibuzi.
7 Ingaavu neꞌdubu bikola bigaliisa mu mutuula.
8 Umwana waꞌkalenge agashaatira hoofi noꞌmuhobo gwoꞌmujoka,
9 Mu mugazi gwani mweru, batagaki komeresania, kandi iri kushereezania.
10 Ku yikyo kyanya, umwami muhyahya wa mu mbaga ya Yese agayimuka, ali ngiꞌrembera mu bandu baꞌmahanga. Yabo booshi, bagamúkumanira. Na ngiisi ho agaaba atuuziri, hagalangashana bweneene.
11 Ku yikyo kyanya, Nahano agashubi golola ukuboko kwage, anagalule abandu baage ábaki sigiiri imbohe mu kihugo kyeꞌHasuriya, na mu kyeꞌMiisiri, na mu kyeꞌPaturo, na mu kyeꞌHendyopiya, na mu kyeꞌHelamu, na mu kyeꞌShinaari, na mu kyeꞌHamaati, kiri na mu tulira.
12 Lirya irembera, Rurema agalishonia.
13 Yabo Bahifurahimu naꞌBayuda, batâye ki yuvwiranwe uluugi,
14 Yabo bandu ba Rurema, bagayibiikaga kuguma, banagende uluhande lweꞌmuga,
15 Nahano agakamya Inyaaja Ndukula, halinde hanaboneke injira íkamiri.
16 Yabo bandu baage ábasigiiri, bagalonga injira yoꞌkulyoka mu kihugo kyeꞌHasuriya,