1 Ukizi kengeera Umulemi wawe,
2 Ku kyanya ugaaba ukola mushaaja,
3 Ku yikyo kyanya, amagulu gagajuguma
4 Naꞌmatwiri gaawe ganazibaale,
5 Ugaaba ukoli yobohiri ukushonera áhayinamusiri.
6 Kwokwo, ukizi kengeeraga Umulemi wawe ku kyanya ukiri musore.
7 Ku yikyo kyanya, ugashubi hinduka luvu.
8 Mwigiriza agweti agaadeta kwokuno: Byoshi biri bya busha-busha.
9 Mwigiriza âli riiri mwitegeereza bweneene. Na byoshi byo âli yiji, anakizi biyigirizania. Âli kizi yitegeereza imigani, anagitengeke.
10 Mwigiriza anayihangaana mu kulooza amagambo ágakwaniini, gira agayandike ku bweranyange.
11 Amadeta gaꞌbitegeereza, galyagagi nga ngoni yoꞌkusholera ingaavu, ganali nga misumaari íri mu naniiza imbahwa kuguma.
12 E mwana wani, ikyanya wayuvwa agandi-gandi migirizo, ugwanwe wakengulwa hiꞌgulu lyago. Si ikyanya umundu agweti agayandika ibitaabo, biri mu genderera lunda-twika. Neꞌri angakizi soma bweneene, angakengeera ayiluhya ngana.
13 Keera twayuvwa gooshi. Kwokwo, ngola ngasiguusa. Ukizi simbahaga Rurema, unakizi kulikira imaaja zaage. Kwokwo, kwoꞌmundu akwaniini akizi gira.
14 Ngiisi byoꞌmundu agaagira, Rurema agaki bitwira kwoꞌlubaaja. Agalutwa kiri na ku íbiri mu girwa mu bumbishwa, biba biija, kandi iri bibi.