1 Yala hakiritigiya tɛ adamadenw welera wa?
2 A bɛ lɔ yɔrɔ kɔrɔtaninw na, ani siradaw ra,
3 a bɛ lɔ dugu dondaw kɔrɔ,
4 «Aw mɔgɔw, ne bɛ aw le welera!
5 Aw nalomanw, aw ye ceguya degi!
6 Aw ye mɛnni kɛ, sabu ne bɛna kuma nafamanw le fɔ,
7 Ne da bɛ kumaɲuman le fɔ,
8 Ne darakuma bɛɛ terennin lo,
9 ne darakuma bɛɛ gbɛnin lo faamurikɛbagaw fɛ,
10 Aw ye kɛ ne ta ladirikan fɛ ka tɛmɛ hali wari kan,
11 Sabu hakiritigiya ka fisa ni lulu ye,
12 «Ne min ye hakiritigiya ye, ne ni ceguya le siginin bɛ ɲɔgɔn fɛ,
13 Matigi Ala ɲasiran bɛ mɔgɔ min na, o tigi bɛ kojugu kɔninya,
14 Ladiri ni hakiriɲuman bɛ sɔrɔ ne le fɛ,
15 Ne le sababu ra, masacɛw sigira masaya ra,
16 Ne le sababu ra, fagamaw sigira fanga ra,
17 Ne kɔni, mɔgɔ minw bɛ ne kanu, ne fana bɛ olugu kanu,
18 Naforo ni bonya bɛ ne le fɛ,
19 Tɔnɔ min bɛ sɔrɔ ne ra, o ka fisa ni sanin ye, a ka fisa ni sanin yɛrɛworo ye,
20 Ne bɛ tagama sira terennin le kan,
21 Ne bɛ ne kanubagaw fɛntigiya,
22 «Ne worora kabini Matigi Ala ta baara damina ra,
23 Ne sigira kabini wagatijan,
24 Ne nana, k’a sɔrɔ jibaw tun tɛ yi fɔlɔ,
25 ne nana k’a sɔrɔ kuruw tun ma dan ban,
26 o y’a sɔrɔ Ala tun ma dugukolo ni kongow dan fɔlɔ,
27 Wagati min Ala ka sankolo bla a nɔ ra, ne tun bɛ yi;
28 wagati min a ka sankabaw bla san fɛ,
29 wagati min a ka kɔgɔji dan yira,
30 ne tun bɛ a kɛrɛ fɛ i ko baarakuntigi.
31 Ne tun bɛ ɲagari a ta dugukolo kɔ kan,
32 «Ayiwa, sisan, ne dencɛw, aw ye ne lamɛn!
33 Aw ye ladiri lamɛn, ka kɛ hakiritigiw ye,
34 Mɔgɔ min bɛ ne lamɛn, o tigi ta ɲana,
35 Sabu ni mɔgɔ min ka ne sɔrɔ, o tigi kɛra sitigi ye,
36 Nka ni mɔgɔ min ka ne kan bla, o tigi ka kojugu kɛ a yɛrɛ le ra;