1 I bɛ i jigi la fɛn o fɛn kan ko i bɛ jirasa belebele kɛrɛ ni o ye, ka se sɔrɔ a kan, o bɛɛ ye gbansan ye;
2 Mɔgɔ si tɛ sɔn ka farati k’a darabɔ.
3 Jɔn le ka fɛn di ne ma, ko ne ka kan ka o juru sara o tigi ye?
4 Ayiwa, ne tɛna jirasa belebele farikolow ko to fɔbari ye,
5 Jɔn le sera k’a ta derege bɔ a ra ka ye?
6 Jɔn le sera k’a da yɛlɛ ka ye?
7 A faraw bɛ i ko nɛgɛbɛnnanw; o le bɛ bonya ni baraka di a ma.
8 O dondonnin lo ɲɔgɔn na;
9 O bɛɛ kelen kelen sirinin bɛ ɲɔgɔn na, ka ɲɔgɔn mina;
10 A tisotɔ bɛ tasumayeelen bɔ;
11 Tasumamana bɛ seri ka bɔ a da fɛ,
12 Sisi bɛ bɔ a nunwow fɛ,
13 A nɛnɛkiritɔ, a nunfɔɲɔ bɛ se ka takami fiyɛ k’a mana;
14 A ta fanga b’a kankala le ra;
15 A fari ɲuguyɔrɔw nɔrɔnin lo ɲɔgɔn na;
16 A jusukun ka gbɛlɛn i ko kabakuru,
17 Ni a wurira, hali cɛfaribaw bɛ siran;
18 K’a fɔ ko i b’a kɛrɛ ni kɛrɛkɛmuru ye,
19 Nɛgɛ bɛ a ɲa kɔrɔ i ko binjalan;
20 Biɲɛ tɛ se k’a labori;
21 Berekuru b’a fɛ i ko binjalan,
22 Fara minw b’a kɔnɔbara kan, o da ka di i ko muru;
23 Ni a lamagara ji jukɔrɔ, a bɛ jidunbaw lawuri i ko ji wuritɔ daga kɔnɔ;
24 A tɛmɛsira nɔ bɛ manamana a kɔ fɛ;
25 Mɔgɔ si tɛ ale kuntigi ye dugukolo kan yan;
26 Danfɛn min o min kɔrɔtanin lo, a bɛ o bɛɛ kunna;