1 Ele ka kongobakɔrɔninw worotuma lɔn wa?
2 O bɛ karo da min kɛ ka sɔrɔ ka woro, ele ka o jate k’a da lɔn wa?
3 O bɛ biri le ka o ta denw woro;
4 O denw bɛ baraka sɔrɔ ka bonya o yɛrɛ ma kongo kɔnɔ;
5 Jɔn le ka kongofali labla k’a to a ye bori a sago ma?
6 Ne ka kongokolon kɛ a ta yɔrɔ ye,
7 A ta foyi tɛ dugukɔnɔyɔrɔ ta mankanw na;
8 A bɛ yaala kuruw kunna k’a ta domuni ɲini;
9 Yala kongomisi bɛ sɔn ka baara kɛ ele ye wa?
10 I bɛ se ka juru siri kongomisi ra janko a ye sɛnɛ kɛ wa?
11 Yala ele bɛ sɔn ka i jigi la a kan, ko a baraka ka bon,
12 I bɛ sɔn ka la a ra ko a bɛna i ta siman cɛ ka na ni a ye,
13 Kɔnɔsogolon b’a kaman gbasigbasi, ka ninsɔndiya,
14 A bɛ a ta fanw la dugukolo kan ka taga ka o to yi,
15 A bɛ ɲina ko fɛn dɔ bɛ se ka o dɔn,
16 A tɛ hina a denw na; a bɛ i n’a fɔ a yɛrɛ ta denw tɛ.
17 sabu Ala ka ale jɛn hakiritigiya ra,
18 Nka n’a wurira ka lɔ tuma min na ka bori damina,
19 Ele le ka so ta baraka don a ra wa?
20 Ele le b’a to a bɛ pan i ko ɲɔdomutɔn wa?
21 A b’a sengbɔgɔrɔ gbasigbasi dugu ma ka ɲagari sabu baraka b’a ra;
22 A tɛ siranya jate, foyi tɛ a ja tigɛ;
23 Kɛrɛkɛcɛ min siginin b’a kan, a bɛ o ta biɲɛforogo mankan,
24 A kɔrɔtɔninba bɛ bori yɔrɔ bɛɛ;
25 Ni buru fiyɛra a b’a fɔ: «An ye taga!»
26 Yala ele ta hakiri le sababu ra, santigi bɛ wuri a kaman na,
27 Ele le b’a fɔ bɔn ye ko a ye wuri wa?
28 A bɛ to faraw le cɛ ra; a bɛ si o yɔrɔw le ra.
29 A bɛ to o yɔrɔ ra ka sogo dɛndɛn;
30 A denw bɛ jori min;