1 O kosɔn i hakiri to i danbaga ra i ta kanbelenya wagati ra,
2 I hakiri to i danbaga ra sani tere ye don dibi ra,
3 O wagati le ra, bon kɔrɔsibagaw bɛ yɛrɛyɛrɛ,
4 Da minw tun yɛlɛnin bɛ ka bla sira kan, o daw bɛ datugu,
5 O wagati le ra, mɔgɔ bɛ siran fɛn kɔrɔtaninw ɲa,
6 I hakiri to i danbaga ra, sani warigbɛjuru ye tigɛ,
7 I hakiri to i danbaga ra, sani bɔgɔ ye sekɔ dugukolo ra,
8 Gbansan, ani gbansan,
9 Ayiwa, Waajurikɛbaga tun ye hakiritigi ye; ka fara o kan, a ka mɔgɔw karan a ta lɔnniya ra. A ka zana caman lamɛn, ka o sɛgɛsɛgɛ, ka o labɛn ka ɲa, ka o sɛbɛ.
10 Waajurikɛbaga jijara ka kumaɲumanw le fɔ; a ka o kumaw sɛbɛ ka ɲa, ka kaɲa ni can yɛrɛ ye.
11 Hakiritigiw ta kuma bɛ i ko nɛgɛbere nunbɔnin; o bɛ o ta hakiritigiyakuma minw labɛn ka o sɛbɛ, o bɛ i ko nɛgɛ min gbengbenna dugukolo ra. O kumaw bɛɛ bɔra kuntigi kelen le fɛ.
12 I yɛrɛ kɔrɔsi, ne dencɛ, i kana foyi fara a kan. Mɔgɔ bɛ se ka kitabu minw sɛbɛ, dan tɛ o ra; nka karan cayakojugu bɛ mɔgɔ sɛgɛ.
13 Ayiwa, min bɛɛ fɔra, o kumaw laban ye nin ye: Siran Ala ɲa, k’a ta kumakanw sira tagama. Adamaden ta ko bɛɛ bɛ bɔ o le ra.
14 Sabu Ala bɛna adamadenw ta kɛwalew bɛɛ kiti tigɛ, hali minw kɛra dogo ra, koɲuman fara kojugu kan.