1 Davidi wi Yɛnŋɛlɛ yɛnrɛwɛ.
2 Tanla go singi, katugu mìlan yɛɛ kan ma yeri!
3 We Fɔ, na yinriwɛ ta,
4 Ki yaga ma nayinmɛ kan mi ŋa ma tunmbyee na yeri,
5 Ee, ma yɛn jɛnŋɛ we Fɔ, ma maa kapere ti kala yari.
6 Yawe Yɛnŋɛlɛ, nuŋgbolo jan mala yɛnrɛwɛ pi logo,
7 Mi kaa jɔlɔ sanga ŋa ni, mi ma gbele mbɔɔn yeri mala saga,
8 We Fɔ, yarisunndo ti ni, ka woro wa paa mboro yɛn,
9 Cɛngɛlɛ ŋgele fuun mà da,
10 Katugu ma yɛn ma gbɔgɔ, ma maa kagbɔgɔlɔ piin,
11 E, Yawe Yɛnŋɛlɛ, na naga ma konɔ li ni!
12 We Fɔ, na Yɛnŋɛlɛ, mi yaa lɔɔn sɔnni na kotogo ki ni fuun ni,
13 Katugu ma kagbaraga kì gbɔgɔ na kanŋgɔlɔ,
14 E, Yɛnŋɛlɛ, mbele pe maa pe yɛɛ gbogo, pèle yiri na kɔrɔgɔ,
15 Ɛɛn fɔ mboro wo na we Fɔ, ma yɛn Yɛnŋɛlɛ na li yɛn yinriwɛ tafɔ konaa yuŋgbɔgɔrɔ tafɔ,
16 Ki yaga ma yɛgɛ wa na yeri mala yinriwɛ ta,
17 Kacɛn wa pye maga naga na na fɔ ma yaa kajɛŋgɛ pye na kan,