1 Yaa Yawe Yɛnŋɛlɛ li shari yaa li sɔnni,
2 Ambɔ wi mbe ya mbe Yawe Yɛnŋɛlɛ li kagbɔgɔlɔ ke yɛgɛ yo?
3 Mbele pe maa tanri kaselege ki na, konaa mbele pe maa kasinŋge piin,
4 Yawe Yɛnŋɛlɛ, na ma kaa kagbaraga piin ma woolo pe kan sanga ŋa ni, ma jatere pye na na;
5 jaŋgo ma woolo mbele mà wɔ, mbe pe yan pe yɛn na fɛrɛwɛ taa,
6 Wè kapere pye paa we tɛlɛye pe yɛn,
7 Ma we tɛlɛye pe ta wa Ezhipiti tara, pe sila ma kafɔnŋgɔlɔ ke kɔrɔ jɛn,
8 Ɛɛn fɔ làa pe shɔ li yɛɛra mɛgɛ ko kala na,
9 Làa para ŋgbanga Kɔgɔje yɛɛn wi na, a wì waga le ki yɔngɔlɔ nuŋgba ke ni,
10 Làa pe shɔ pe mbɛnfɛnnɛ pe yeri,
11 Tɔnmɔ pìla pe winfɛnnɛ pe li,
12 Kona, a pè si taga Yɛnŋɛlɛ li sɛnrɛ ti na,
13 Ɛɛn fɔ sanni jɛnri, a pè si fɛgɛ li kapyegele ke na,
14 Ma pe ta wa gbinri wi ni, jogo pege la yiri pe ni,
15 A Yɛnŋɛlɛ lì si yaraga ŋga pàa yɛnri ki kan pe yeri,
16 Ma pe ta wa paara yinrɛ cɛnsaga ki ni, pàa pye na yenjaga piin Moyisi wi ni,
17 Kona, a tara tì si jɛnw ma Datan wi yɔli,
18 Kasɔn kìla pe gbogolomɔ woolo pe sogo,
19 Pàa napige yanlɛgɛ gbegele pe yɛɛ kan wa Horɛbu yanwiga ki tanla,
20 Pàa nɛgɛ yanlɛgɛ gbegele, ko ŋga ki maa yan kaa,
21 Pàa fɛgɛ Yɛnŋɛlɛ li na, pe Shɔfɔ we,
22 lo na làa kafɔnŋgɔlɔ pye wa to nda Kamu tara ti ni,
23 Làa para ma yo li yaa pe tɔngɔ,
24 Pàa ki tara tiyɔnrɔ ti kala li tifaga,
25 Pàa pye na kɔngɔri wa pe paara yinrɛ ti ni,
26 Kona, a Yɛnŋɛlɛ lì si kɛɛ yirige ma wugu pe kan,
27 mbe ti pe setirige piile pe jaraga pe kari tara sannda pyew ti ni,
28 Ko puŋgo na, pàa pe yɛɛ kan na yarisunŋgo Baali Pewɔri ki gbogo,
29 Pàa Yɛnŋɛlɛ li nawa ŋgban pe kapyere ti ni,
30 Ɛɛn fɔ Fineyasi wìla pye wa, a wo si yiri maga kala li yɛgɛ wɔ,
31 A Yɛnŋɛlɛ lì suu jate lesinŋɛ ki kapyege ki kala na,
32 Pàa Yawe Yɛnŋɛlɛ li nawa ŋgban fun wa Meriba tɔnmɔ lara ti ni,
33 katugu pàa Moyisi wi jatere wi piri wi na,
34 Cɛngɛlɛ ŋgele Yawe Yɛnŋɛlɛ làa yo pe ke tɔngɔ,
35 Pàa pe yɛɛ pinlɛ ki cɛngɛlɛ sanŋgala ke ni,
36 Pàa pye na ki woolo pe yarisunndo ti gbogo,
37 Pàa pe pinambiile naa pe sumborombiile pe wɔ saraga
38 Pàa leele mbele pàa pye jɛrɛgisaga fu pe gbo,
39 Pe kapyere tìla pe tɛgɛ fyɔngɔ ni,
40 Kona, Yawe Yɛnŋɛlɛ li naŋgbanwa pì si yiri li woolo pe kɔrɔgɔ paa kasɔn yɛn,
41 Làa pe le cɛngɛlɛ kele yɛgɛ kɛɛ,
42 Pe juguye pàa pe jɔlɔ,
43 Wagati lɛgɛrɛ na Yɛnŋɛlɛ làa pe shɔ,
44 Ɛɛn fɔ pàa pye na gbelege ŋga gbele nali yinri, naa làa kaa ki logo,
45 Làa li jatere wi tɛgɛ li yɔn finliwɛ pi na pe kanŋgɔlɔ,
46 Mbele fuun pàa pe yigi kulolo ma kari pe ni, làa ti, a pe yinriwɛ ki woolo pe ta.
47 E, Yawe Yɛnŋɛlɛ, we Yɛnŋɛlɛ, we shɔ!
48 Sɔnmɔ yɛn Yawe Yɛnŋɛlɛ, Izirayɛli woolo Yɛnŋɛlɛ li woo sanga pyew fɔ tetete!