1 Kajɛnmɛ po ma pi yɛn na leele pe yinri yɛɛn?
2 Pi yɛn ma yere wa tinndiye pe na, wa konɔ li yɔn na,
3 Pi yɛn wa ca ki mbogo yeyɔnrɔ ti tanla, wa ca ki yeyɔngɔ shɔn wi na;
4 «Yoro leele wele, yoro mi yɛn na jɔrɔgi na yinri;
5 Yoro lembire re, yaa kagala kɔrɔ jɛnmɛ pi jaa.
6 Yaa nuru, katugu kagala ŋgele ke yɛn kagbɔgɔ yɔn, mi yaa ke yo;
7 Katugu kaselege ko mi maa yuun wa na yɔn,
8 Na yɔn sɛnrɛ ti ni fuun ti yɛn ma sin,
9 Ti ti ni fuun ti yɛn ma filige tijinliwɛ fɔ wi kan,
10 Yanla nagawa sɛnrɛ ti lɛ ye wɛ penjara ti na,
11 Katugu kajɛnmɛ pì mbɔnrɔ somu sɔnŋgbanga woo na,
12 Mi ŋa kajɛnmɛ we, mi naa tijinliwɛ pi ni, woro we yɛn ma cɛn ja,
13 Yawe Yɛnŋɛlɛ li yɛgɛ fyɛrɛ ti yɛn lere ŋa ni, kapege ki maa mbɛn;
14 Yɛrɛwɛ po naa jatere jɛnŋɛ wi ni, ti yɛn na yeri;
15 Wunlumbolo pe maa pe wunluwɔ pi piin mi fanŋga na,
16 Kundigile, naa legbɔɔlɔ konaa kiti kɔnfɛnnɛ pe ni fuun pe maa pe tegere ti piin mi fanŋga na.
17 Mi we, mi yɛn ma mbele ndanla pe yɛn mala ndanla,
18 Penjagbɔrɔ tawa naa gbɔgɔwɔ pi maa taa mi yeri,
19 Tɔnli ŋa wi ma ta na ni, wì mbɔnrɔ tɛ wi na, ali tɛ piiri wi na;
20 Mi yɛn na tanri konɔ na lì sin li na,
21 Jaŋgo mbe yarijɛndɛ wo mbele mi yɛn ma ndanla pe na,
22 Yawe Yɛnŋɛlɛ lìlan gbegele li tunmbyege ki lɛsanga wi ni,
23 Pànla tɛgɛ maga lɛ wa fafafa;
24 Mìla pan maga ta tɔnŋgbɔɔ tijuguwo pi woro wa gbɛn,
25 Mìla pan maga ta yanwira ti fa tɛgɛ gbɛn,
26 ko la yala Yawe Yɛnŋɛlɛ li fa tara to naa yan nawa pi da,
27 Sanga ŋa ni Yɛnŋɛlɛ làa naayeri wi gbegele maa tɛgɛ wa wi yɔnlɔ, mìla pye wa;
28 sanga ŋa ni làa kambaara ti tɛgɛ wa naayeri,
29 Sanga ŋa ni làa kɔgɔje koŋgo ki wɔ,
30 Mìla pye le li tanla wa li tunŋgo ki ni.
31 Mìla pye na yɔgɔri laga li tara ti na,
32 Koni, na pinambiile, yaa nuru na yeri!
33 Yanla nagawa sɛnrɛ ti logo, ye ta ye pye kajɛnmbɛlɛ,
34 Lere ŋa wi maa nuru na yeri,
35 Katugu lere ŋa ka mi ta ko fɔ wo yaa yinwege ta;
36 Ɛɛn fɔ lere ŋa ka wa mbe la na na, ko fɔ wo kapege pye wi yɛɛ na;