1 Na pinambyɔ, maga ka fɛgɛ na nagawa sɛnrɛ ti na,
2 katugu ki sɛnrɛ ti yaa yinwetɔnlɔgɔ kan ma yeri,
3 Maga ka ti kagbaraga pyege konaa mbe pye tagawa ni tɔɔn la,
4 Kona, ma kala li yaa Yɛnŋɛlɛ li ndanla mbe sɛnweele pe ndanla,
5 Ma jigi wi taga Yawe Yɛnŋɛlɛ li na ma kotogo ki ni fuun ni,
6 Ma li wogo ki tɛgɛ wa ma jatere wi na ma kapyege ki ni fuun ni,
7 Maga kaa ma yɛɛ jate kajɛnŋɛ,
8 Ko ki yaa ma wire ti sagala,
9 Ta Yawe Yɛnŋɛlɛ li gbogo ma kɛɛ yaara ti ni,
10 Pa kona ma bondoolo pe yaa yinyin yarilire ti ni fɔ mbaa wuun,
11 Na pinambyɔ, maga ka Yawe Yɛnŋɛlɛ li korowo pi tifaga,
12 katugu ŋa wi yɛn ma Yawe Yɛnŋɛlɛ li ndanla, li maa koro,
13 Lere ŋa ka kajɛnmɛ pi ta, fɛrɛwɛ yɛn wi woo,
14 Katugu pi tawa pì mbɔnrɔ ma wɛ warifuwe tawa na,
15 Kajɛnmɛ pi sɔnŋgɔ kì ŋgban ma wɛ somu sɔnŋgbanga woo na;
16 Yinwetɔnlɔgɔ maa taa wa pi kalige kɛɛ ki ni,
17 Pi maa kee sɛnwee wi ni koŋgolo ŋgele ni, ke tangala yɛn ma tanla;
18 Pi yɛn yinwege tige ma mbele kaa yigi pe kan,
19 Yawe Yɛnŋɛlɛ lì tara ti nɔgɔ ki teŋge kajɛnmɛ po fanŋga na;
20 Li jɛnmɛ po fanŋga na, tara ti nɔgɔna tɔnmɔ were tì yɛngɛlɛ;
21 Na pinambyɔ, tijinliwɛ po naa jatere pyelɔmɔ jɛmbɛ pi yigi ma mara pi na,
22 Ti yaa yinwege kan ma yeri,
23 Pa kona ma yaa la tanri wa ma konɔ li ni yɛyinŋge na pɔw,
24 Na maga sinlɛ, ma se ka fyɛ yaraga ka kpɛ na,
25 Fyɛrɛ kala kɔɔn fo, maga ka fyɛ;
26 katugu Yawe Yɛnŋɛlɛ li yaa pye ma jigi tagasaga,
27 Na kaa pye lere wa daga ma kajɛŋgɛ pye wi kan,
28 Maga kɔɔn lewee yɛnlɛ wi pye mbe yo fɔ:
29 Maga ka kapege jate ma lewee yɛnlɛ wi ni,
30 Maga ka win lere ni go fu,
31 Maga ka yɛgɛ yirige lewɛlɛwɛ wa na,
32 Katugu lepeele pe kala li yɛn ma tijanga Yawe Yɛnŋɛlɛ li yɛgɛ na;
33 Yawe Yɛnŋɛlɛ li ma lepee wi go ki daŋga,
34 Mbele pe maa tɛgɛ li na, li maa tɛgɛ pe na fun,
35 Kajɛnmbɛlɛ pe yaa gbɔgɔwɔ ta kɔrɔgɔ,