1 Na pinambyɔ, na maga yɛnlɛ na sɛnrɛ ti na,
2 na maga nuŋgbolo jan mbaa kajɛnmɛ sɛnrɛ ti nuru,
3 na maga tijinliwɛ pi yeri pɔɔn saga,
4 na ma kaa pi lagajaa paa warifuwe yɛn,
5 kona, mbaa fyɛ Yawe Yɛnŋɛlɛ li yɛgɛ pa ma yaa ki kɔrɔ jɛn,
6 Katugu Yawe Yɛnŋɛlɛ lo li maa kajɛnmɛ pi kaan,
7 Li ma shɔwɔ kan lesinmbele pe yeri;
8 Mbele pe maa tanri kaselege konɔ li na, li maa wele pe na,
9 Ki ka pye ma, pa ma yaa kasinŋge ki kɔrɔ jɛn, naa ŋga kì yala ki ni,
10 Kona, kajɛnmɛ pi yaa pan wa ma kotogo na,
11 Kagala ke cancan jatere pyelɔmɔ jɛmbɛ pi yaa kɔɔn shɔ punŋguwɔ pi ni,
12 Pi yaa ma shɔ kombele li ni,
13 mbɔɔn shɔ mbele pe ma kaselege konɔ li wa pe kɛɛ,
14 Poro mbele pe maa kapege ki piin na yɔgɔri wa ki ni,
15 Ki leele wele, koŋgolo ŋgele ke ma lere puŋgo koro pe ma lɛ,
16 Ki ka pye ma, pa ma yaa ma yɛɛ shɔ nanjaa wi kɛɛ,
17 Wo ŋa wì je wi sumborowo sanga pɔlɔ wi na,
18 Wi go ki konɔ li yɛn na kee wa kunwɔ pi yeri;
19 Mbele fuun pe maa yiin wi kɔrɔgɔ, wo wa kpɛ na sɔngɔrɔ mbe pan naa,
20 Ki kala na, maa tanri wa lejɛmbɛlɛ pe kologo ki ni,
21 Katugu lesinmbele poro pe yaa cɛn laga tara ti ni,
22 Ɛɛn fɔ lepeele pe yaa ka pɛ mbe wɔ laga tara ti ni,