1 Ŋga ma yaa pye goto, maga kaa ma yɛɛ gbogo ki wogo na;
2 Ki yaga lere wa yɛgɛ mbaa ma sɔnni, mboro yɛrɛ ka kaa ma yɛɛ sɔnni;
3 Sinndɛlɛgɛ ki ma nugu, taambugɔ fun ki yɛn ma nugu;
4 Kɔnrɔ tandorogo ki yɛn ma tijanga fɔ jɛŋgɛ, naŋgbanwa pi yɛn paa lafogo yɛn ŋga kì yin, ma jaraga;
5 Lere mbɔɔn jɛrɛgi nawa jɛmbɛ ni,
6 Wɔnlɔ ŋa wi mɔɔ jɛrɛgi kaselege na, ko maga naga fɔ wi yɛn sinŋɛ ma ni;
7 Lere ŋa wi yɛn ma tin, wi ma je sɛnrɛgɛ na;
8 Lere ŋa wi ma yiri na yanri, ma lali wi to ca ki ni,
9 Sinmɛ nuwɔ taan naa wusuna nuwɔ taan yaara ti ma nayinmɛ kan sɛnwee wi yeri;
10 Maga ka ma wɔnlɔ wi wa, nakoma ma to wi wɔnlɔ we;
11 Na pinambyɔ, pye kajɛnŋɛ mala nawa pi yinŋgi na na;
12 Lere ŋa wì jilige, wi ka kapege ki yan kila paan, wi ma lara;
13 Na lere wa ka yere letelewe wa fɔgɔ go kala ni, ki lerefɔ wi derege ki shɔ wi yeri maga tɛgɛ fɔgɔ ki yɔnlɔ;
14 Na lere wa ka sa wi cɛnyɛnlɛ shari magaŋgbɔlɔ ni yirifaga na,
15 Jɛlɛ malinjagara winfɔ wi yɛn paa
16 Na lere ŋa kaa jaa mboo yerege wi malinjagara ti na, ki ma cɛn ndɛɛ tifɛlɛgɛ ko wila jaa mbe yerege,
17 Tugurɔn to ti ma tugurɔn ti yɔ mberi yɔn ki tanla;
18 Lere ŋa kaa wi figiye tige ki gbegele, wi ma kaa ki pyɔ wa ka;
19 Ma kaa wele tɔnmɔ, ma maa ma yɛɛ yɛgɛ ki yaan wa cɛ;
20 Yɛgɛ ŋga na kuulo tara to naa wege tijugo ki ni, ti fa yin mbege yan,
21 Pe ma warifuwe wo naa tɛ wi ni ti le kasɔn mberi yan mberi tiyɔnwɔ pi jɛn;
22 Ali na ma ka kambajɛnŋɛ wi le sugulo mboo sun paa yarilire ti yɛn,
23 Ma daga mbɔɔn yaayoro ti cɛnlɔmɔ pi jɛn jɛŋgɛ,
24 katugu penjagbɔrɔ tila koro lere yeri fɔ sanga pyew,
25 Yan ki kɔn maga wo, na yan fɔnŋgɔ ki kaa yinrigi,
26 Ma mbe ya mbaa ma yaripɔrɔ ti gbegele ma simbaala pe sire ti ni,
27 Nɔnɔ lɛgɛrɛ ŋa wi maa taa wa ma sikanɛɛlɛ pe ni, maa pye ma yaakara, naa ma go woolo pe yaakara,