1 E! Jɔlɔgɔ yɛn na wogo,
2 Lesinmbele pè kɔ ma wɔ laga tara ti ni;
3 Pe kɛyɛn yì wege kapege pyege ki na.
4 Ŋa wi yɛn jɛnŋɛ pe ni fuun na, wo yɛn paa wuuro yɛn.
5 Maga kɔɔn jigi wi taga ma wɔnlɔ wi na;
6 Katugu pinambyɔ wi maa wi to wi tifaga,
7 Mi wo na, Yawe Yɛnŋɛlɛ lo mi yɛn na wele.
8 Yoro mbele na juguye, yaga kaa tɛgɛ na na.
9 Mì kapege pye Yawe Yɛnŋɛlɛ li na,
10 Na juguye pe yaa kaga wogo ki yan ma,
11 Pilige ka wa na paan, pe yaa ka ye cagbɔgɔ ki mboro ti kan naa fɔnŋgɔ.
12 Ko pilige ko ni, ye woolo pe yaa ka yiri wa Asiri tara naa Ezhipiti tara cara ti ni, mbe sɔngɔrɔ mbe pan ye kɔrɔgɔ.
13 Tara sannda ti yaa ka tɔngɔ mbe koro waga, mbele pe yɛn ma cɛn wa ti ni pe tipewe pi kala na;
14 Yawe Yɛnŋɛlɛ, ma woolo wele, poro mbele pe yɛn ma kɔrɔgɔ ye,
15 «Mi yaa kagbɔgɔlɔ pye ye kan
16 Cɛngɛlɛ sanŋgala woolo pe yaa ka ke yan,
17 Pe yaa kaa gbanŋgban wi kaa paa wɔɔrɔ yɛn,
18 Yɛnŋɛlɛ la yɛgɛ woro wa paa mboro yɛn.
19 Ma yaa we yinriwɛ ta naa,
20 Ma yɛn sɛnrɛ nuŋgba yofɔ yɛgɛ ŋga na, ma yaa ki naga Zhakɔbu setirige piile pe na.