1 E, Yawe Yɛnŋɛlɛ, ma jatere wi tɛgɛ ŋga kì pye we na ki na,
2 We kɔrɔgɔ kì sɔngɔrɔ ma pye cɛngɛlɛ kele yɛgɛ wogo,
3 Wè pye pijiriwele, to woro we na;
4 We yɛn na we tɔnwɔɔ pi loo penjara ni,
5 We jɔlɔfɛnnɛ pe yɛn we puŋgo na suyi,
6 Ezhipiti tara fɛnnɛ konaa Asiri tara fɛnnɛ pe ni, poro we ma kɛɛ sanga na tali pe yeri,
7 We tɛlɛye pàa kambasinnde pye, pe si woro wa nala;
8 Kulolo poro pè cɛn we go na,
9 We yɛn na we go ki pɛrɛ na we yɔn suro ti jaa,
10 Fuŋgo kì ŋgban we na, ma we wire ti wɛri we na,
11 Pe yɛn na tuun Siyɔn ca jɛɛlɛ pe na na sinlɛ pe ni fanŋga,
12 Pàa we tara teele pele to tire na ma pe gbo,
13 Lefɔnmbɔlɔ poro pàa pye na tira sinndɛlɛgɛ ki tungu,
14 Lelɛɛlɛ pe woro na gbogolo naa wa ca ki mbogo yeyɔngɔ ki na mbaa finliwɛ piin,
15 Yɔgɔrimɔ pì kɔ wa we kotoro ti na,
16 We wunluwɔ njala lì kɔw wa we go na ma to,
17 Yaraga ŋga kì ti we nawa pì tanga we na,
18 ko yɛn fɔ Siyɔn yanwiga kì jɔgɔ ma koro waga;
19 Ɛɛn fɔ mboro wo na, Yawe Yɛnŋɛlɛ, ma yɛn ma wunluwɔ pi na fɔ sanga pyew,
20 Yiŋgi na ma yaa si ma jatere wi laga we na fɔ sanga pyew?
21 Yawe Yɛnŋɛlɛ, ki yaga ma we sɔngɔrɔ ma pan we ni ma yɛɛ kɔrɔgɔ,
22 Naga yɛn ma, ma yaa je we na pew wi le?