1 Warifuwe wi wɔsaga yɛn wa,
2 Pe maa tugurɔn ti woo wa tara ti ni,
3 Leele pe ma ye kasɔn yanwa ni wa tara ti nɔgɔ, ma diwi wi kɔ maa wɔ wa,
4 Pe ma were ti wɔ mari jugo, mari laga lali leele pe cɛnsara ti ni,
5 Sɛnwee wi yaakara ti maa taa na yinrigi tara nda ni,
6 Pa pe maa safiri sinndɛɛrɛ sɔnŋgbanga woro ti taa wa ki yaanŋguro ti ni,
7 Kara kasannjɛrɛ ti sigi konɔ li saga jɛn,
8 Yan yaara ti wunluwɔ wi fa gbɔn wa gbɛn;
9 Sɛnwee piile pe ma saa to walaga ki na mbege ya,
10 Pe ma walaga ki ya ma torosaga wɔ wa ki nawa;
11 Pe ma tɔnmɔ wegele ke tɔn ma ke fanri,
12 Ɛɛn fɔ kajɛnmɛ pi maa taa se yeri?
13 Sɛnwee wi se ya mboo sɔnŋgɔ ki jɛn,
14 Tɔnŋgbɔɔ tijuguwo pì yo fɔ: «Pi woro laga mi ni!»
15 Lere se ya mbe kajɛnmɛ pi suru tɛ piiri na,
16 Ofiri tara tɛ ŋa wì yɔn ma wɛ, wi se ya taanla pi ni,
17 Tɛ nakoma duwale sɔnŋgbanga woo wi se ya taanla pi ni,
18 Sinndɛɛrɛ sɔnŋgbanga woro nda pe yinri Korayi nakoma Kirisitali ti woro yaraga le pi tanla;
19 Etiyopi tara topazi sinndɛlɛgɛ sɔnŋgbanga wogo ki se ya taanla pi ni,
20 Ɛɛn fɔ kajɛnmɛ pi maa yinrigi se yeri?
21 Pi yɛn ma lara yaraga yɛnwege pyew ki na,
22 Kuulo tara to naa kunwɔ pi ni, tì yo fɔ:
23 Yɛnŋɛlɛ lo lì pi konɔ li saga jɛn,
24 katugu lo li maa wele na gbɔɔn fɔ wa tara ti kɔsaga ki na,
25 Sanga ŋa ni làa tifɛlɛgɛ ki nuguwɔ pi kɔn maa tɛgɛ,
26 sanga ŋa ni làa ŋgasele kɔn ma tɛgɛ tisaga ki kan,
27 ko sanga wowi làa kajɛnmɛ pi yan, ma para pi wogo na,
28 Ko puŋgo na, a lì si sɛnwee wi pye fɔ: