1 Na wɔnwɔn pi yɛn na koo na kee,
2 Mbele pe maa kala lakoo leele na, poro pe yɛn mala maga;
3 E, Yɛnŋɛlɛ, yere na kala li ni le ma yɛɛ tanla;
4 Katugu mà pe jatere wi shɔ pe yeri, jaŋgo paga ka tijinliwɛ ta,
5 Pe yɛn paa lere wa yɛn, ŋa wùu wɛnnɛ yeri lige na,
6 Leele pànla le yurugo ni,
7 Na yɛngɛlɛ kè wɔ na na, na nawa mba pì tanga na na pi kala na;
8 Lesinmbele paga na kala li wele, ki ma to pe yɔn na;
9 Konaa ki ni fuun, lesinŋɛ wi maa ki piin papaga ni, ma koro wa wi konɔ li ni;
10 Yoro wo na, ye ni fuun ye sɔngɔrɔ ye sɛnyoro ti na naa ye!
11 Na yinwege piliye yì kɔ, kagala ŋgele mì kɔn ma tɛgɛ, kè jɔgɔ,
12 Pe ma yembinɛ li lɛ nali jate ma yo yɔnlɔ yi,
13 Cɛnsaga ŋga mi yɛn na singi, ko ki yɛn kuulo tara re;
14 Mi yɛn na jɔrɔgi na fanga ki yinri na yuun fɔ: «Mboro ma yɛn na to we!»
15 Na jigi tagasaga ko yɛn se san?
16 Ki yaa pinlɛ mbe tigi na ni, mbe kari wa kuulo tara,