1 Kona, a Zhɔbu wì si Elifazi wi pye fɔ:
2 Mìgi sɛnrɛ cɛnlɛ nda ti lɛgɛrɛ logo faa;
3 Ye yaa ki go fu sɛnrɛ ti yowo pi yaga sanga wiwiin?
4 Ŋga kì gbɔn na na, ndɛɛ ko ki ja gbɔn ye na,
5 Na yɔn sɛnrɛ ti jɛn na fanŋga kan ye yeri,
6 Koni, na mi ka para, ki se ka kɔn na jɔlɔgɔ ki na,
7 Koni wo na, Yɛnŋɛlɛ lìlan fanŋga ki kɔ na ni pew!
8 Màla yigi kala li tijanga, a ko pye sɛrɛya naga nari fɔ tanga woro na yeri;
9 Wa li naŋgbanwa pi ni, Yɛnŋɛlɛ lìlan kɔɔnlɔ paa yɛgɛ ŋga na cɛngɛ ma ki kagboro pye we, ma to na na,
10 Leele pè pe yɔnrɔ ti yɛngɛ na mɛgɛ ni mbanla figiri,
11 Yɛnŋɛlɛ lìlan le lembasinmbele pe kɛɛ,
12 Mìla pye yɛyinŋge na, ɛɛn fɔ Yɛnŋɛlɛ lì pan mala yangara, mala gbɔn mala piri,
13 Li wangala ke yɛn na yinrigi kɛɛ ki ni fuun ki na, nala sugulo;
14 Li yɛn na gbinri na tuun na na paa maliŋgbɔɔn yɛn,
15 Kunwɔ kayaŋga yaripɔrɔ mì yɔli na nii nala wire ti tɔnni,
16 Na yɛngɛlɛ kè yanlaga gbelege ki kala na,
17 Ma sigi ta, mi si kapege pye,
18 E, mboro tara, maga kanla kasanwa mba pì wo pi tɔn,
19 Koni na sɛrɛfɔ wi yɛn wa yɛnŋɛlɛ na makɔ,
20 Na wɛnnɛ pe yɛn naga lakoo na na,
21 Ki yɛn ma yala na sɛrɛfɔ wi pye kala li yɛgɛ wɔfɔ leele poro naa Yɛnŋɛlɛ li sɔgɔwɔ,
22 Katugu na yinwege piliye yi yɛn na kee kɔsaga;