1 Sɛnwee, wo ŋa jɛlɛ wì se,
2 Wi yɛn paa yarifyɛɛnrɛ yɛn, ti ma pɛlɛgi, sanni jɛnri mbe si fanla;
3 Yɛnŋɛlɛ, ko lere wo ma yɛngɛlɛ ke yɛn wi na naa kɔrɔsi,
4 Ambɔ wi mbe ya mbe yaraga ŋga ki yɛn fyɔngɔ fu ka wɔ wa yaraga ŋga ki yɛn fyɔngɔ ni ki ni?
5 Kì kaa pye mà sɛnwee wi yinwege piliye yɔn ki kɔn maga tɛgɛ,
6 ki kala na, ma yɛgɛ ki laga wi na, jaŋgo wi wogosaga ta jɛnri,
7 Jigi tagasaga yɛrɛ yɛn tige ki yeri,
8 Ali ki ninde ti ka lɛ wa tara ti ni,
9 na tɔnmɔ ka gbɔn ki na ma kɔ, ki ma fun naa,
10 Ɛɛn fɔ na lere wi ka ku, wi fanŋga ki ma kɔ pew;
11 Lɔgbɔgɔ tɔnmɔ pi mbe ya waga,
12 ki pyelɔmɔ nuŋgba pi na, na sɛnwee wi ka sinlɛ wa kunwɔ pi wɔnlɔwɔ pi ni, wi se yiri naa;
13 E, Yɛnŋɛlɛ, ndɛɛ ki pye ma mbe ja yɛnlɛ mbanla lara wa kuulo tara,
14 Naga yɛn ma, na sɛnwee wi ka ku, wi mbe ya yiri mbe pye yinwege na naa wi le?
15 Kona ma jɛn nala yeri, pa mi jɛn nɔɔ yɔn sogo;
16 Ma si yala koni, ma yɛn nala yɔngɔlɔ ke jinri,
17 Ma jɛn nala kapere ti le kasha ka ni, mberi lara, mbege yɔn ki pɔ ti na,
18 Konaa ki ni fuun, yanwiga ki ma to ma jaraga,
19 Tɔnmɔ pi maa fuun sinndɛlɛgɛ ki na naga mugu,
20 Ma ma to wi na yɔnlɔ nuŋgba, ma ya wi ni, wi ma toro;
21 Wi pinambiile pe yaa ka gbɔgɔwɔ ta laga wi puŋgo na o, wi se ko jɛn;
22 Tege ŋga ki ma pye wa wi yɛɛra wire ti ni ko wi ma jɛn,