1 Kona, a Zhɔbu wì si Zofari wi yɔn sogo ma yo fɔ:
2 Kaselege ko na, sɛnwee piile pe jɛnmɛ pi ni fuun pi yɛn yoro yeri,
3 Konaa ki ni fuun, mi fun tijinliwɛ yɛn na ni paa ye yɛn,
4 Mì pye titɛgɛrɛ yaraga na wɛnnɛ pe yeri,
5 Lere ŋa wi yɛn tege na, wo wi ma tifagawa ta,
6 Ma si yala beŋganri pyefɛnnɛ poro yɛn yɛyinŋge na wa pe yinrɛ ti ni;
7 Ɛɛn fɔ yaayoro ti yewe, ti yaa ma naga;
8 Para tara na yaara ti ni, ti yaa ma kara,
9 Ki yaara nda ti ni fuun ti ni, kikiin ki sigi jɛn
10 Yaara yɛnwere ti ni fuun ti yinwege ki yɛn lo kɛɛ,
11 Pe maa ki sɛnrɛ nda ti yuun ma yo fɔ:
12 Kajɛnmɛ yɛn lelɛŋgbaara ti yeri,
13 Ɛɛn fɔ kajɛnmɛ naa fanŋga to yɛn Yɛnŋɛlɛ lo woro,
14 Yɛnŋɛlɛ li ka yaraga ŋga jɔgɔ, lere se ya mbege gbegele naa,
15 Na li ka tisaga ki yerege, yaraga pyew ki ma waga,
16 Fanŋga naa kapyɔ jɛnmɛ pi yɛn lo ni;
17 Li ma ti tara ti yɛgɛfɛnnɛ pe maa tanri tɔɔrɔ wara,
18 Li ma wunlumbolo pe kurusijaraye mbele mɛgbɔgɔ woolo pe sangala pe na,
19 Li ma ti saraga wɔfɛnnɛ pe maa tanri tɔɔrɔ wara,
20 Leele pe jigi wi yɛn leele mbele na, li ma sɛnrɛ ti kɔ wa pe yɔn,
21 Li ma tifagawa kan mɛgbɔgɔ fɛnnɛ pe yeri,
22 Li ma diwi kagala ŋgele ke yɛn ma lara ke yirige funwa na,
23 Li ma cɛngɛlɛ ke jiti, kona mbe si ke tɔngɔ,
24 Li ma tijinliwɛ pi shɔ tara woolo pe teele pe yeri,
25 Pe maa talitali na tooro wa diwi wi ni yanwa fu;