1 Sɛnrɛ nda Yawe Yɛnŋɛlɛ làa yo Penuwɛli pinambyɔ Zhowɛli wi kan tori nda yɛɛn. Làa yo fɔ:
2 Yoro lelɛŋgbaara, yege sɛnrɛ nda ti logo!
3 Yege kala li yo ye pinambiile pe kan,
4 Kondo wì yarilire ti ka nda tì koro,
5 Yoro sinwɔɔlɔ wele, ye yɛn ye yiri yaa gbele!
6 Cɛnlɛ là pan ma to na tara ti na.
7 Pànla ɛrɛzɛn kɛɛrɛ ti jɔgɔ,
8 Yaa gbele paa sumboro naŋa mbajɛɛn yɛn, ŋa wì jatere piriwɛn yaripɔrɔ le,
9 Yarikanra naa duvɛn saara nda pe ma wo ta woro na yaan naa wa Yawe Yɛnŋɛlɛ li shɛrigo gbɔgɔ ki ni.
10 Kɛɛrɛ tì jɔgɔ,
11 Kɛkɔɔnlɔ pè fɛrɛ shɔ,
12 Ɛrɛzɛn tiire tì waga,
13 Yoro saraga wɔfɛnnɛ wele, ye jatere piriwɛn yaripɔrɔ le yaa yuŋgbɔgɔrɔ gbelege gbele.
14 Koni, yege yari leele pe kan pe yeŋge le, ye gbogolo ye Yɛnŋɛlɛ gbɔgɔ.
15 E, yiŋgi pilipege ŋga we na!
16 Yaakara tì kɔ ma wɔ wa we yɛgɛ sɔgɔwɔ,
17 Yariluguro nda tì lugu tì waga wa tara,
18 Ye yaayoro ŋgbeleye yi tege gbelege ki logo!
19 Yawe Yɛnŋɛlɛ, mboro mi yɛn na gbele na yɛnri,
20 Yanyaara to fun ti yɛn na gbele nɔɔ yinri, mari saga,