1 Yaa nuru, yoro Zhakɔbu setirige piile wele,
2 Ma sigi ta ye maa ye yɛɛ gbogo na ye yɛɛ yinri ca kpoyi ki woolo,
3 Kagala ŋgele kè pye ma toro,
4 Katugu mìgi jɛn ma yo yoro Izirayɛli woolo, ye yɛn nuŋgboŋgbangala fɛnnɛ,
5 Mìla ki kagala ke yo ye kan maga lɛ wa faa,
6 Nda mì yo yeri logo, yoro jate yège yan fɔ ti ni fuun tìri yɛɛ yɔn fili,
7 Yiŋgɔ ko ke yaa pye, ke woro kagala ŋgele kè toro wa faa;
8 Ye sila ki kagala ke sɛnrɛ logo, ye sila kala la jɛn ke wogo na,
9 Ɛɛn fɔ na mɛgɛ ki kala na, mìla naŋgbanwa gbɔɔ pi sogo,
10 Ye wele, mì ye wa ma wele, ma ye pye fyɔngɔ fu,
11 Mi yaa ko pye ma, na mɛgɛ ko kala na, na yɛɛra mɛgɛ ko kala na,
12 Yoro Zhakɔbu setirige piile, ye logo na yeri,
13 Na yɛɛra kɛɛ ko kì tara ti nɔgɔ ki teŋge,
14 Ye ni fuun ye pan ye gbogolo, ye logo na yeri!
15 Mi kpaw, muwi mì para, muwi mùu yeri;
16 Ye fulo laga na tanla, yege sɛnrɛ nda ti logo!
17 Yawe Yɛnŋɛlɛ na li yɛn ye go shɔfɔ, Izirayɛli woolo Yɛnŋɛlɛ kpoyi le, pa lì yo yɛɛn fɔ:
18 Ndɛɛ kì pye yaa yɛnlɛ ma ye jatere wi tɛgɛ na ŋgasegele ke na,
19 Ye setirige piile pe jɛn na lɛgɛ paa taambugɔ ki yɛn,
20 Ye yiri wa Babilɔni ca ki ni, ye fe ye yiri wa poro Kalide tara fɛnnɛ pe sɔgɔwɔ.
21 Lì pe yɛgɛ sin wa gbinri ŋa wì waga wi ni, wɔgɔ si pe yigi;
22 Ɛɛn fɔ lepeele pe se yɛyinŋge ta fyew.