1 Ye wele, wunlunaŋa wa yaa ka cɛn mbaa wi wunluwɔ pi piin kasinŋge ni;
2 Pe ni fuun nuŋgba nuŋgba pe yaa ka pye paa larasaga yɛn, mbaa lere go singi tifɛlɛgɛ ki na,
3 Leele mbele pe yɛn na yaan, pe yɛngɛlɛ ke se ka wɔ pe na;
4 Leele mbele jatere woro pe ni, pe yaa ka tijinliwɛ ta mbaa kagala kɔrɔ jɛnni;
5 Pe se ka lembige ki tɛgɛ mɛgbɔgɔ na,
6 Lembige ki maa lembigewe sɛnrɛ yuun,
7 Nambara fɔ wi kapyere ti ma pye ma tisaw;
8 Ɛɛn fɔ lejɛnŋɛ we, kajɛŋgɛ ko wi maa sɔnri,
9 Yoro jɛɛlɛ mbele ye yɛn na ye yinwege ki piin yɛyinŋge na,
10 Na yɛlɛ nuŋgba naa piliye jɛnri ka toro mbe kɔ,
11 Yoro jɛɛlɛ mbele ye yɛn na ye yinwege ki piin yɛyinŋge na, ye sunndo wi yaa kaa kɔɔn ye na!
12 Yaa ye kotoro ti gbɔɔn kayaŋga ki kala na,
13 Yaa gbele na woolo pe tara ti kala na,
14 Katugu wunluwɔ go kì koro waga,
15 Ki yaa pye ma fɔ sa gbɔn pilige ŋga ni Yɛnŋɛlɛ li yinnɛ li yaa ka yiri wa naayeri mbe tigi we na;
16 Ko sanga wo ni, pe yaa kaa tanri kasinŋge na wa gbinri wi ni,
17 Kasinŋge ki tɔnli wi yaa ka pye yɛyinŋge,
18 Na woolo pe yaa ka pye mbe cɛn yɛyinŋge laga na,
19 Sinndɛɛrɛ tisaga ki yaa ka kɔlɔgɔ tire ti tɔngɔ,
20 Ɛɛn fɔ yoro wo na, fɛrɛwɛ yɛn ye woo,