1 Phahi Sofari kula Naama wajibu achiamba,
2 “Maazo gangu gananihenda nijibu,
3 Nasikira kudemurirwa kunako niusira nguma yangu,
4 Vino ukale kumanya gano kula kare,
5 kukala chitseko cha atu ayi ni cha muda mfupi,
6 Dzagbwe ngulu za asiyemuogopha Mlungu zikafika hadi mlunguni,
7 iye andaangamika hata kare na kare dza mavige gaangamikavyo,
8 Andayalwa dza ndoso na kandaonewa tsona,
9 Iye ariyemuona, kandamuona tsona,
10 Anae andalonda asaidiywe ni achiya,
11 Mifuphaye i tele nguvu za uhanani,
12 Dzagbwe uyi u mtswano mwakpwe kanwani,
13 dzagbwe kaweza kuurichira uphiye,
14 chakuryache chindagaluka utsungu mo mwakpwe ndanini
15 Iye nkuiya utajiri wa atu, naye andauhaphika,
16 Andafyondza sumu ya nyoka,
17 Iye kandaishi kufwahirwa ni vidzuho,
18 Cho arichochiphaha kpwa jasho
19 Mana akaonera achiya na kuaricha bila chitu,
20 Kpwa kukala urohowe tauna mwisho,
21 Bada ya kurya, taphana ndichosala,
22 Wakati wa kukala na vinji andaphahwa ni mashaka,
23 Phapho ndiphomvuna,
24 Iye andachimbira silaha ya chuma,
25 Muvwi undafutwa kula mwakpwe mwirini,
26 Chilungulungu cha jiza chinagodzera akibaze,
27 Ko mlunguni kundaika wazi uyiwe,
28 Mali za mwakpwe nyumbani zindatsukulwa ni mafuriko,
29 Uhu ndio mtalo wa mutu mui,