1 Israengo yofi debeso, “Ni sebigborinaungoc kecbareng ngic yeneng ebic kunennu fainugec.”
2 “Ni sebigborinaungoc kecbareng ngic yeneng ebic kunennu fainukecma firang mong mi anggec.
3 Bangec mendzic mendzic yeneng bangec mendzicgec areng fingecande, yeni ifi isoc ngadenau kpendzicgec areng herea fingecgec.”
4 KEBU ye dindingac. Ngic Anutu ngadehema mangana megecdeac ayemmeande, yeng yeneac witic herecgema yungecnunuec.
5 Ngicngac Siong ubanginango ukuandae, yeni merengyunugec yeni game kpekpeu faiyunugec monggoc dzigenema kembisia.
6 Yeni ama witiau kpindzingngo erema bic homeande, ifi isoc ambisia.
7 Mekpedzuc ngicngo imoc meudeac maria mi sineude nga semeng dedeckeande, imoc mi abaranggema mekenude.
8 Ngicngac goa yeni kengha angandae, yeneng yofi naric mi degecde, “KEBUNGO kenecngunuu. Neni KEBUAC kpacfu kenecngunudimbe.”