1 An-Bab-Dummad-Jehováʼye, be an-bendake,
2 Ar be an-bendaksulile, ¿doa bar an-bendakosunna?
3 An-Bab-Dummad-Jehováʼye, we-ibmar-soggwengi nosa be an-dakdibe:
4 an-aigi an nue-yolesdibe,
5 adi, an-isdarmalad an-baleginner, akarsurdo,
6 Bab-Jehováʼye, be sae-itogedba an-isdarmalad-anse-urwebukwadgi be gwisgudage.
7 Bab-Jehováʼye, dulemar-baid-baid be-asabin-ambikuega be imake.
8 Bab-Jehováʼye, be dulemarga igar itosoggu,
9 Bab-Jehová, bedi Bab-Dummad-innikigwadid,
10 Bab-Dummad, sigu-abgaedyob an-irwa-gwisguedid,
11 Bab-Dummad, dulega igar-itogedgine, innikigwadba ega igar nabiroged,
12 Ar dule-isganamar, na e-isguedga bukib-binsasulile, amar-idu, Bab-Dummad es-suid-e-nugar ebinoed,
13 Ar deyopira, Bab-Dummad ibmar-dule-gindakmalad guagwar urbisbalid,
14 Dule-isgana, igar-isganaginbi binsadaed,
15 Dule-isgana, yaa-matusur akwisad.
16 Dule-isgana, na e-igar-isgana-imaked egi aibinoed,
17 Bab-Jehová anga igar-inniki-nabosadba, an e-nug odummogoed.