1 Bab-Dummad be an-bendake,
2 Olli-mata-yaagi an dogmaid,
3 Dule-baidse-bendakleged an budar egisgusad. An gammu dinnagusad.
4 Dule-isdar-an-dakmalad, an-sailagiaba bur bule mergued.
5 Bab-Dummad, an binsaedsuligudigusad be wisid,
6 Bab-Dummad-Jehová-Bela-Gangued-Nikad, dule-begi-bensurmaladi, melle an-nukad bingegued be imako.
7 Ar be-nug-ulale, dulemar sunnasur-angi sunmaksamalad.
8 An-gwenadgan dule-baidyobi an-daked,
9 An bese-goled-negbina-nue-soged-ular, egi nue-nobe an itoged.
10 An bodele, mas-gunsuli an gudele,
11 Bukib-itoged-mola an yosale,
12 Dulemar neggwebur-doged-yawagakgi-bukudamaladi, angi sunmakedibidamalad.
13 Bab-Jehová, andi an bese goledi, be-itolegedba be an-abin-imakdaed.
14 Olli-mata-dummadgi be an-onoge.
15 Melle diiba-seleged be an-imake,
16 Bab-Jehová, be an-abin-imake,
17 Bab-Dummad, be-mai-idu melle be dukue,
18 Bab-Dummadye an-walikaa be dage, be an-bendakdage.
19 Bab-Dummad, nue be wisid dulemar angi yoledimalad,
20 Dule-angi-dododimalad nue-nunmak an-imaksamalad.
21 An-masgi ina-nusu obatismalad.
22 E-iba-onobukwadgi, e-masi egi-aibinega be imake.
23 Melle-atakmalaga, amar-e-ibya mommoo be imake.
24 Be-urwed egi gwichigued be imake.
25 E-negmar ollo-ollo-siged be sae.
26 Ar be dule-naibi-imaksad balegichamalad,
27 Wemar ibmar-isgana-imaksadyob be imakmoga.
28 We-dulemar garda-burba-duladgi-e-nug-narmakar-naid be elie.
29 Bab-Dummad, ar andi an uellediid, an nunmak-itodiid,
30 Bab-Dummad, namakedgi an be-nug ogannogoed,
31 We-ibmar-uklegedi, Bab-Jehováʼga moli-bebe-nikad-ukedba, moli-sapingwagwad-bebe-nikad-ukedba,
32 Dule-wilegana weyob-dakdagogua, nue-yeer itodmaloed,
33 Ar Bab-Jehová dule-wilegana-ese-goledi itodaed.
34 Nibnega, napnega, muu-billigan, bela-agi-ibmar-bukmalad,
35 Ar Bab-Dummad Sión-yala bendakoed,
36 Be-dulamar-e-wagan, a-yala degisadegu egadga guoed.