1 Bab-Dummad, dakebinne. Be-isdarmalad bela be oaisakisun.
2 Igi waa burwaba yogguddae,
3 Dule-innikidamaladdi weligwale itomaloed,
4 Bab-Dummadga be namakmar,
5 Bab-Dummad-e-neg-islidikidgi-maidi, dulemar-sergan-sated-e-babad,
6 Bab-Dummad, dule-wilesakwaa-walagwen-gudimalad, neguya-nikuega imaked,
7 Bab-Dummad, be Israel-dulemar-abargi-noargua,
8 napnega giglimakdegusad, mogir dii-owidegusad,
9 Bab-Dummad, bedi bela-belad dii-owisagusad,
10 Bab-Dummad, a-napagine, be-dulamar ambikusad,
11 Bab-Jehová, e-gayaburba uksad,
12 “Reymar duurmakdemalad,
13 Ibmar manigi-sobarmalad, orgi-sobarmalad, mimidmalad.
14 Bab-Dummad-Bela-Gangued-Nikadi, reymar-oakinnaigua,
15 Basán-yalagan, yalagan-dummagan nanaed.
16 Yala-dummagan, ¿ibiga be Bab-Dummad-yala-nug-imaksadgi be nobe itomala?
17 Bab-Dummad-e-moli-ur-bila-onomaladi, mili-miliba mergued (1,000-1,000).
18 Bab-Dummad-Jehová, niba be nakwisgua, dule-galesmalad beba be sesa gusad.
19 ¡Bab-Jehová-nug odummolesun!
20 Anmar-Bab-Dummadi, dule-bendakmaidid.
21 Bab-Dummad, dule-e-isdarmalad-nonogi annaoed,
22 Bab-Jehová anmarga sogsad: “Basán-akale, gannar an be-barmidagoed.
23 Be-naga, be-isdarmalad-e-ablisbi-moodo-guega an imakoed.
24 Bab-Dummad, be-Neg-Islidikidgi dulemar-yaryarmakmamaidi, magar dakleged.
25 Dule-namakmaladi idumamaid,
26 Danar-bukwadgi Bab-Dummad-nug be odummomalo,
27 Benjamín-wagan we-dulemar-iduedga nadapid,
28 Bab-Dummad, be-gargangued be oyoge,
29 Bese-goled-neg Jerusalén-neggweburgi-siid-ulale,
30 Bab-Dummad, we-ibdula-masarganbalidga sabsuli be ibmar-soge.
31 Egipto-akale, dule-sapin-dummagan danimaloed,
32 Napneggi-dule-bukmalad, Bab-Jehováʼga be namakmala.
33 Mogir-negasailaun-nagusmalad-birgi-sii-nanaedga, be namakmala.
34 Bab-Dummad-e-gargangued magar be dakmala.
35 Bab-Dummad, be-Neg-Islidikidgi, bedi, dule-geger-dakleged maid.