1 Bela bemar, nue an-itomar.
2 Dule-dummagan, dule-binsarmalad,
3 An sunmakoedi, nue-binsaed-nikaa an sunmakoed.
4 Ibmar-binsaed-nikaa-soglemalad nue-itoakwaa an sogoed.
5 Ar bonigan dani-sogele, ¿ibiga dobee an itogoe?
6 Dule-mani-nikadba-dobsuli-itodimalad, na e-ibmar-nikadba san-dummarba-imakdimalad,
7 Dule wargwensaale na dukin bendakosulid.
8 San-onolegedi gargesailad.
9 Dule degisadegu dula-gudii guosulid.
10 Bela dulemar burgwedbiid,
11 Ar nainu ichesur-nikus-inigwele,
12 Ar dule mani-ibed-inigwele, degisadegu dula-gudiguodeeye sogsulid.
13 Weyobi, dulemar e-manigi-alakwaa-gudimaladi, berguddamalad.
14 Igi sibad-iduged e-sibad-wawaad-semaidae,
15 Ar Bab-Dummaddi burgwedgi an-ollorsaoed,
16 Dule-wargwen mani-ibedga-gudele, mer bai be dako,
17 Ar we-dule burgwidele, na e-ibmar sedosulid,
18 Ar we-napneggi dula-gudigua, weligwar itodigus-inigwele,
19 we-dule, e-babgan-burgwismogayobi, burgwemogoed,
20 Ar dule mani-ibed-inigwele, na aku itoged,