1 Dule-isganamar-nasgumaidba mer be sae itoge,
2 Ar we-dulemar gaganyobi emiskwaa bergudmaloed,
3 Bab-Jehováʼgi mer be bengu, ibmar-nuegan be imake.
4 Bab-Jehováʼgi be nue-wergudii sae.
5 Be-ibmar-imakbied, Bab-Jehováʼga be uke.
6 Igar-maidba be-ibmar-imakedi, Bab-Dummad bega dad-ibeleryob odalogoed.
7 Bab-Dummad-asabin bogidik-gudii be imake.
8 Be-isdar-itoged na be bargae,
9 Ar dule-isganamar burgwemaloed.
10 Dule-isganamar napi-ichee gudidimalad.
11 Ar dule-san-dummarba-imaksurmalad neg-nued-bonisulid egadga guoed,
12 Dule-isgana dule-nuedgi sunnasur binsadaed.
13 Degi-inigwele, Bab-Jehováʼdi dule-isganaga alloed,
14 Dule-isganamar, dule-wilegana-oburgwega, dule-nued-nanamalad-ogilogega, e-es-suid ononanaid,
15 Degi-inigwele, e-es-suid e-gwagegi yolegoed,
16 Dule-nued ibmar-ichee-nikale,
17 Ar Bab-Jehová, we-dule-isganamar-e-gangued ei osulogoed.
18 Bab-Jehová, dule-inniki-nanadimalad-edarbediid.
19 Dule-inniki-nanadimaladga ibagan-bulegan-noni-sogele, akar-guosulid.
20 Dule-isganamardi, bergudmaloed.
21 Dule-isganamar aimargi mani-gasale, bar bennukdasulid.
22 Dulemar Bab-Jehováʼse-nabir-binsalesmaladi, neg-nued egadga guoed.
23 Dule-wargwen e-daedgi Bab-Jehová-yeer-ito imakele,
24 Dule-nued gwatirnoni-sogele, deyob degisadegu gudii guosulid,
25 An sapingwa-danikid-akale, an seredgusadse, an dakdisulid, dule-nuedi nue-dummad-wiledii,
26 Dule-nuedi aimarga ibmar-ukalile, nuedgi yeer-itogedba ukdedaed.
27 Ibmar-isganagi be bangu,
28 Ar Bab-Jehová igar-inniki-imakleged yeer dakdaed,
29 Dule-nuegan-damaladdi, Bab-Dummad ega yar-ukoye-sogsadgi
30 Dule-nued sunmakdele, nue-binsaed-nikaa sunmakdedaed,
31 E-Bab-Dummad-igar-maid e-gwagegi sedidaed.
32 Dule-isgana dule-nued-oburgwega
33 Degi-inigwele, Bab-Jehováʼdi dule-isganaga dule-nued-urmakosulid.
34 Bab-Jehová-abdakdii be gue,
35 An dule-isgana daksad,
36 Degi-inigwele, we-dulemar emiskwaa bergudoed.
37 Dule-nuegan-damalad be dake,
38 Ar dulemar igar-maidgi-yoledimaladdi, bela burgwemaloed,
39 Dule-nuegan-damalad-e-bendakleged Bab-Jehováʼgi danikid.
40 Bab-Jehová bonigangi dule-nued-bendakoed,