1 An bane-bane Bab-Jehová-e-nug-odummodii an guoed,
2 Bab-Jehováʼba an nug-dummarba itoged.
3 Bemar an-balikwaa Bab-Jehová-e-nug odummomar,
4 An Bab-Jehová-amidigua, an-abin-imaknonikid.
5 Dulemar Bab-Jehováʼse-idaksamaladi, egi gangunonimalad,
6 Ani, an dule-wileged, an Bab-Jehováʼse-gochagu, an-itononikid,
7 Bab-Jehová-e-baliwitur dule-e-nug-odummodiid-bendakegala,
8 Bemar-sunnagwad be dakdamala,
9 Bemar Bab-Jehová-sordamar, Bab-Jehová-dobekwaa nanamar.
10 Dule-mani-ibmala, dule-wilegedga nadmaloed, ukud-itodii gudmaloed.
11 Mimmigan, dagmala, an-itodamala:
12 Ar dule na wergudii gubiele,
13 ibmar-isganagi-sunmaked na bargaergebed,
14 Ibmar-isgana-imaked iegergebbalid,
15 Bab-Jehová dule-inniki-gudimalad akwediid,
16 Dule-ibmar-isgana-imakmaladgindina, egi yoleged.
17 Dule-inniki-gudimalad Bab-Jehováʼse-gotele, Bab-Jehová abin-imaked.
18 Bab-Jehová dule-naibi-itodimaladba gudiid,
19 Dule-inniki-gudiid, bonigan-bukidar nikued,
20 We-dule-e-garmar akarguega imakosulid,
21 Dule-isganamar ibmar-isgana-imakdimaladba na dukin wioged.
22 Bab-Jehová dule-ega-arbadimalad nue bendaked,