1 Bab-Jehováʼye, nue an be-sabed,
2 Bab-Jehováʼye, be an-akwasailaga gued.
3 Bab-Jehováʼye, be-nug an ogannoged,
4 Burgwed-igar nue an-ebiris gunaid.
5 Bato an gachiyala megis-itoged,
6 An surbinsa-itodiidgi Bab-Jehováʼse an gote gusad,
7 Bab-Jehová-uludgua, neg giglimakded,
8 Bab-Jehová-bunnodedbali waa bupurmakded,
9 Bab-Jehová mee mogir-egasad,
10 Bab-Jehová baliwitur-querubinʼye-nugad-birgi-sii, mogir-imbaba nadapid.
11 Bab-Dummad neg-gudureged-abargi nadapid.
12 Bab-Jehová-sabsur-gadedbali, mogirmar aisakided,
13 Bab-Jehová nibneg-akale, mogirmar-dii-akwamaryob-milemaid-abalagine,
14 Bab-Jehová sigu-milegeyob e-isdarmaladgi mar-odealid.
15 Bab-Jehová, be-uludedbali demar-urba-napa-naid mag-dakle gunonikid.
16 Bab-Jehová nibneg-akale, anse e-argan oyononikid.
17 Bab-Jehová an-isdarad-buledgi an-bendaksad.
18 Boniganba-an-galitonaidgi an-isdarmalad angi gwisgunonikid.
19 Bab-Jehová wile-an-dakedbali, an-bendaknonikid,
20 Bab-Jehová an ibmar-nued-imakedba anga ibmar-nued uked.
21 Ar Bab-Jehová-Igar-Maidba an gudiid,
22 Ade, bela e-igar-uksad an nue-gasa gudiid,
23 Bab-Jehováʼga sogedba an gudiid,
24 Bab-Jehová an ibmar-nued-imakedba anga ibmar-nued uked.
25 Bab-Jehová, dule-beba-bane-bane-inniki-nanadiidgine, egi be bane-bane inniki damogad.
26 Bab-Jehová, dule-bega-gakansasulidga, be gakansasurmogad.
27 Bab-Jehová, dulemar na-san-bipi-imakdimalad, bonigangi-obinega be imaked.
28 Bab-Dummad-Jehová, be dula-gudii an-imaked.
29 Bab-Jehová, be-an-bendakedbali, sordamar-danar-bila-onomalad an ogilogoed.
30 Bab-Dummad-e-ibmar-imakedi innikigwad imaked, e-gayaburba sunsogedid.
31 ¿Doa Bab-Jehováʼyob Bab-Dummadga mai? Dule sate. Unnila Bab-Jehováʼbi maid.
32 Bab-Jehováʼbi unnila anga gargangued ukmaid,
33 Bab-Dummad goe-sapur-abarmakedyob an-oabarmaked,
34 Bab-Jehová an-surgan ogannoged,
35 Sigu-abgaedyob be an-irwa gwisgued,
36 Bab-Jehová, an nabir nanaega, melle an aimukuega, anga be neg-ollor-dummad nasiksad.
37 An an-isdarmalad-baregitegusgua, an indaksasulid, an bargadapid.
38 Bela-bela an an-isdarmalad naibi-imaksad,
39 Bab-Jehová, bila-onogega be an-ogannosad,
40 An-isdarmalad anse-galakudedba, wakinnega be imaksad.
41 An-isdarmalad aisaar dule-e-bendakegala, emarse gornanai gusmalanad,
42 An-isdarmalad anse sanyob ichi-ichi gusad.
43 Bab-Jehová, dule-angi-urwedimaladgi be an-bendaksad,
44 Ibmar-imakoye an sogsale, a-dulemar, yog anba ibmar-imakar damalad.
45 We-Israel-dulesurmaladi, an-gaya-itosale, nig-argwate damalad,
46 ¡Bab-Jehová dula-mai!
47 Bab-Dummad anga an-isdarmalad-buged-mai imaksad,
48 Bab-Dummadye, an-isdarmalad-angi-gwisguargua, be an-abonononikid.
49 Degisoggu, Bab-Jehová, Israel-dulesurmalad-abargi an be-nug ogannoged,
50 Bab-Jehová, e-rey bela-bela e-isdarmaladgi-obinega na imaked.