1 Bab-Jehováʼye, an bese napiragwadgi wilesagwa-goledi, wis be an-itoge.
2 Bab-Dummadye, be ibmar-innikigwad-magar-daked-ular,
3 Be an-binsaed nue-dakdaed.
4 Be-igar-nued-mesisad-ular, dulemar-baigan-daedyobi an dasulid,
5 Be-Igar-Maidba bur an nanadiid,
6 Bab-Dummad, ar be an-abin-imakdasoggu, a-ular, an bese binnasuli goled.
7 ¡Be-sabed-sunsoged be anga oyoge!
8 Ar dule-isganamar angi dummad-yolenanaisoggu,
9 Ar dule-an-oburgwebimalad bato an-walik guakwaa gudimarsoggu,
10 A-dulemar, dule-wiledaked satemalad,
11 An-isdarmalad-an-baregindimalad an-walikagusad,
12 Achumigur mas-gabiedyobi, an-isdarmaladde anbina gudimalad.
13 Bab-Jehováʼye, ginebinne, an-isdarmalad-abin be nodage,
14 Bab-Jehováʼye, be-gangued-nikadba, an-isdarmaladgi be an-onoge.
15 Bab-Jehováʼye, andi, ibmar-oakalossurye be angi-sogsadba, an be-wagar dakoed.