1 Bab-Jehováʼga dog-nuedye be soge, e-nug be odummomala.
2 Be namakmala, Bab-Jehová-e-nug-odummogega be namakmala.
3 Bab-Jehová-nug-isligwaledgi be san-dummarba itomala.
4 Bab-Jehová be amimala, e-gangued be amimala.
5 Bab-Jehová-ibmar-gegerdaklemalad-imaksad be insamalo.
6 Bemar, Bab-Jehová-mai-Abraham-e-wagan gumalad.
7 Bab-Jehová anmar-Bab-Dummad gued.
8 Wagan miliba-gwago-inigwele, Bab-Dummad Israel-Dulemarbo-Igar-Mesisadi gwen iegosulid.
9 Bab-Jehová Abraham-ebo igar-mesisgusad,
10 Bab-Jehová, Jacobʼga igar-mesisgua,
11 ega sogsagusad:
12 Anmar ichee-guen-inigwele,
13 anmar yar-baid-baidgi-gudigusmaladgi,
14 Bab-Jehová, sabsur-anmar-imaklegega gwen imaksasulid.
15 Weyob sogsa gusad: “Melle an-dulamar-nugsalegarmaladse achao,
16 Bab-Jehová, Canaán-yalagi ukud-dummad nasiksad,
17 Degi-inigwele, Bab-Jehová, dule-wargwen-Joséʼye-nugad emar-idu Egipto-yalase barmisgusad.
18 Egipto-dulemar José-e-nag esgoro-dubgi edichagusmalad,
19 José-ibmar-sogsa-gusadba neg-gunonigua, Bab-Dummad agi oyosad,
20 Geb Egipto-rey sognonigusad, José esgaryagi-siid onomarye.
21 Rey, José bela e-neggi ega ibmar-dakega onugsanonigusad,
22 Adi, José reyga-arbamalad-dummagan-odurdakega imaksad,
23 Geb a-sorbali, Israel, Egipto-yalase nonigusad.
24 Agine, Bab-Jehová, e-dulamar-bukidar-merguega imaksad,
25 Bab-Jehová, Egipto-dulemar-e-binsaed ogwasad,
26 Agine, Bab-Dummad, e-mai-Moisés-susagusadi, Aarón-susagusadi, Egipto-yarse barmiargusad.
27 Agine, Bab-Dummad, wemar-ebogwad, Cam-yalagi ibmar-dakledisulid-imakega imaksad.
28 Bab-Jehová, Egiptoʼgi negsichid nasiksagusad, bela neg-gudure imaksagusad,
29 Egipto-diwarmar abega obinnisgusad,
30 Bela Egipto-yala ammanoo yaisur-nika imaksad,
31 Bab-Dummad-sunmaksagu, gukurmar-bukidar ainiargusad,
32 Dii-wied-anar, dii-gwamakaled-wiega imaksad.
33 Uvaʼmar-digar-bukwadi, higueraʼmar-bukwadi ei obelosgusad.
34 Bab-Dummad sunmakdegua, ses-dummagan onisad.
35 Sesmar, bela Egipto-yargi gagan-obelosad.
36 Bab-Jehová, Egipto-yalagi bela machi-sailaginmalad oburgwisgusad,
37 Bab-Jehová, Israel-dulemar or-bukidar-semamai, mani-bukidar-semamai onosgusad.
38 Egipto-dulemala nue-dobe itomarsoggu,
39 Bab-Jehová Israel-dulemarga mogir nasiksad,
40 Bab-Dummadse mas-egichismargu, nuu-codornizʼye-nugad ega uksagusad.
41 Ega akwasaila egasgusad, agi dii aryoargusad.
42 Bab-Dummad deyob imaksadi,
43 Bab-Dummad e-dulamar weligwaledgi onosgusad,
44 Dulemar-baigan-yala na e-dulamarga uksad.
45 Bab-Jehová, na e-dulamar e-igar-uksadba binsaed-nika-gudi-imakmalaga imaksad,