1 Dule-isgana dule-e-balegin-danikiyobi, oes abarmakmaidaed.
2 Yargi, nue-neg-isgusnaile, dummagan-negdakmalad ogwalemaidaed.
3 Dule-isgana mesagwar-dule-wilediid-imakedi, dii burwaba-mesa ibmar-digar-naidgi wieyobid,
4 Dule, Igar-maidgi-banguddamaladi, dule-isgana-nug odummoddamalad.
5 Dule-isganamar, igar-innikigwad aku itodamalad.
6 Dule-mani-ibed-sunnasurdaedba,
7 Dule, Igar-Maidba-nanadiile, dule-binsaed-nikadaedid.
8 Dule, dule-baidga-mani-gaar-ukedi, e-gakagi mani-onogele, yamolegoed.
9 Dule, Igar-Maid-itobisulile,
10 Dule, igar-isganaba dule-innikidaed-nidele, dukin egi igar-isgana aibinmogoed.
11 Dule-mani-ibedi, na binsadaed, ede, binsaed-ibedye.
12 Dule-innikidamalad nakwisale, iba-dummad onoleddaed.
13 Dule, e-isgued gwageginbi sediile, nued-gudii guosulid.
14 Dule, gusgu Bab-Jehová-dobee nanadiidi, egi ise-nued binsalesad.
15 Dule-yar-seed-isgana, dule-wilemalad-mesagwar-imakmaile,
16 Dummadga-negsemaid aku-neg-itogedi, bur bule dulega neg-gagaed.
17 Emar-gindaksad-ular, dule balegillediile, oburgwilegedsegad.
18 Dule, igar-nuedba napira nanadiidi, bendaklegoed.
19 Dule, arbaele, mas-bukidar-nika guoed.
20 Dule-nueddaedi, egi-ise-nued-binsaledii guoed.
21 Dulemar bela emarbi be dakoed,
22 Dule-manibina-surbinsa-itogedi, gwae mani-ibedga gubidaed,
23 Dule, dule-baidga, nuedgi-sabsur-ibmar-sogele, sorba egi nued sunmakleged.
24 Dule, e-sergan-ibe, ibmar-atursaele, ede, ibmar-oakalossurye sogbalile,
25 Dule, ibmarbin-sogerbadi, neg-gagaedid.
26 Dule, dukin na egi-bensulile, dule-binsaedsulidaedid.
27 Dule, dule-wilemalad-bendakedi, wilegedga guosulid.
28 Dule-isganamar nakwisale, bela dulemar dobedba dukuddaed.