1 Dule-na-eginbi-binsaedi, unnila egarbi ibmar-nued abeged,
2 Dule-binsaedsulidaedi, magar-ibmar-itoged baisur-daked,
3 Ibmar-isgana-imaklegedgine, dule-sae-dakleged nononidaed.
4 Dule-e-gayaburba, dii-wiladyob gued.
5 Dule-ibmar-oakalosad ibmar-oakalossuliyob-imakedi, ibnuedsulid.
6 Dule-binsaedsulidaed-e-sunmakedi, unnila neg-urwed onoged,
7 Dule-binsaedsulidaed e-sunmakedgi na dukin san-wioged,
8 Gakangi-sunmaklegedi, mas-nued-gullegeyobid.
9 Dule, e-arbaedgi nue-arbasulile,
10 Bab-Jehová-e-nug, neg-matusulid-gandikid-geg-ayaredyobid.
11 Igi neggwebur-e-akwa-galu-matusulid-ebirnai,
12 Dule, ibitoged-idu, e-daed bule-bule na san-oyoged.
13 Yogasaar gwen ibmar-itossuli-emar-abinsaele, binsaedsulidalegedid,
14 Dule-uelleged bonigan-itomaidgi niga-gandikgudele, gwae nugudoed.
15 Dule-itoakwaadaed ibmar-nuegan baramied.
16 Ibmar-binsa-uklegedba belagwable yawagakmar argaed,
17 Dule-na-e-inse-san-bendakedi, e-ibmar-sogedi, e-gussuliyob sunmaked.
18 Ibmargi-wilubdaklegar-imakleged igar-apurnaid nabir nudaked.
19 Neggwebur-e-akwa-galu-ebiris-bukwad-earedba bur undarad, gwenad-oululesad-e-gwage gadi-gadi-imaked.
20 Dule na e-sunmakedba yeer-itodiid,
21 Sunmaklegedgine, burba-dulad maid, burgwed-igar maibalid.
22 Dule ome-nikunonikile, ibnued nikued.
23 Dule-wileged wilesakwaa ibmar egised.
24 Dule, aimar-nikale, aigwar guergebed.