1 Urwed-abargi san-nued-gunsiidba
2 Mai-binsaed-ibedi, machi-galagwensurdaed-e-dummadga gudiguoed.
3 Olo, soogi wilubdakleged, bormo-crisolʼgi mani wilubdaklebalid.
4 Dule-isgana, dulemar-gaya-isgana-sunmakedba ibsaed.
5 Dule dule-wilegedgi-dododiidi, Bab-Dummadgi dodoged.
6 Dad-e-werguedi, e-wagan-nikadgi siid.
7 Dule-binsaedsulidaedi, gaya-nuegan-sunmakedi egi nosulid.
8 Dule manigi-emar-binsaed-gaed-gudiidi, na binsadaed, ede, ina-nika-gudiiye.
9 Dule, dule-egi-isgusad-egi-isgussuliyob-dakedi, ai-nikued-igar ogannoged.
10 Dule-itoakwaa-binsaedga sabsur-ibmar-soglegele, irgwen-itogaled.
11 Dule-uayasatedaedi, gusgu urwed-amididaed.
12 Dule-binsaedsulidaed e-ibmar-imakedgi-alamakdiid-abinguedba
13 Dule, ibmar-nued-ega-imaklesad-ular, ibmar-ichakwa-ukdibe,
14 Dule, urwed-onoye-sogele, diwar-dummad-noedyobi, dummad-neg-gagaed.
15 Bab-Jehová ibmar-sogbo isdar daked:
16 Dule-binsaedsulidaedga mani-uklenonikile, ¿igi imako na itoge?
17 Dule, ai-guedgine, gusgu ai-sabguerbad.
18 Dule-itoakwaa-binsasulidi, yogasaar emarbogwa igar-mesed,
19 Dule-isguedbina-itogerbadi, unnila urwedbina gudidaed.
20 Dule-gwage-isgana, bipisaagwale ibmar-nued amiosulid.
21 Dule, machi-binsaedsulidaed-nikale, bukib-binsaed ega uked.
22 Dule, gwage-weligwaled-nikale, ina-nuedga gued.
23 Dule-isgana dukuar dule-baidse manigi binsaed galeged.
24 Dule-itoakwaa-binsaedi, binsaed-nued-nikuedginbi binsaed.
25 Dule-binsaedsulidaedi, e-bab-ourwed gudiid.
26 Dule-ibmar-oakalossulid sabsur-odurdaklegele, ibnuedsulid.
27 Dule-magar-neg-itogedi, nabir na e-gwabinduku bargaed.
28 Dule-binsaedsulidaedi bogidik gudiile, binsaed-ibedyob daklemogad.