1 “¡Dule-irwa-anse-gormalad, nue be an-itomalo!
2 Bemar Sitim-nebagi dia-yaa-matusulidyobi an-neggweburga gusmalad.
3 An wisid, Efraín-dulemar igi-damala,
4 ”Na ibmar-isgana-imakmaladbali, geg anse gannar-dagega gumalad.
5 Israel-dulemar na e-san-dummarba-imakdimaladi,
6 E-sibad-wawaadyalaba, e-molimaryalaba, an-amidii gumaloenad,
7 Ar angi bela dodosmalad.
8 “Gabaa-neggweburgi moli-bebe-gar be ogormar,
9 Israel-dulemar, innikii an bemarga soged,
10 Judá-dulemar-e-dummagana, dule-nainu-odogedyob gued.
11 Efraín-dulemar mesagwar imakledisunnad,
12 Degisoggu, an Efraín-dulemarga samuyob an guoed.
13 ”Efraín-neggwebur, na e-boni-nika dakargua,
14 An Efraín-neggweburgala, achumigur-nono-wawaadyobi an guoed,
15 Agine geb an gannar an-maidse nonikoed.