1 Israel-dulemar, Bab-Jehová-gayaburba be nue itomar,
2 Aka bur we-ibmarmar burgusad:
3 A-ulale, yar-naidgi wile-itoleged-dummad nagunonikoed,
4 ”Melle bemar dule-bamaladgi na be gwisgumalo,
5 Ar bemala ibginedbali, degi, mutikidbali, oitolenonimaloed.
6 Ar an-dulamar aku an-daksamaladbali bela burgwismalad.
7 Ar dule-irwa-anse-gormalad-mergudedbali, aka bur bule angi yoled-nanaed.
8 An-neggwebur-e-isguedgi mas gundimalad,
9 Degi-inigwele, dule-irwa-anse-gormalad sabsur-anse odurdaklemaloed,
10 ”Bab-Jehováʼgi bangusmalad.
11 ”Vinoʼgi mumgudimaladbali, gambasamaladbali,
12 An-neggwebur-dulamar suar-nuchuse idakmalad,
13 Yar-birigangine, yar-mullugangine, sapimar-urba e-bab-dummaganga ina-wawad oburmakdamalad,
14 Be-bunamala galagwensuli negsichigi-nanadimalad-ular,
15 ”Ar Israel-dulemar galagwensuli negsichidgi nanadimalad,
16 Ar Israel-dulemar moli-bebe-nikad-bunolo-uayasulidyob guded.
17 Efraín-dulemar bab-dummadyob-imaklemaladgi alakwaa seledimalad.
18 Ar Efraín-dulemar sisa-gobed ei bergudele, gambasaedgine burguddamalad.
19 A-ulale, e-bab-dummaganga ibmar-ogumakar-ukmalad-ular, bingegunanai gudmaloed,