1 Job na boniganba geg-itogusadgine, e-iba-gwalulesadgi isdar sunmakded.
2 Job weyob sogded:
3 “Ibiga an-iba-gwalulesad geg bergudibe.
4 A-iba, negasichidga nagusana nuedinad.
5 A-iba neg-gubyagwaledga nagusana gadinad,
6 A-neg-mutikidgi nega-gudureged nagusana gadinad.
7 We-neg-mutikidgi geg dule gwalulegena gadinad.
8 Ibiga dule-ina-isgana-imakmaladi, we-iba-ukabsassurdibe.
9 Ibiga a-ibagi niisgwamar-bolego-noardaed nodibe,
10 Ibiga a-mutikidbali an gwalulesdibe,
11 ”Ibiga an sapidukugi-maigu, burgwissurdibe,
12 Ibiga an gwalulenaigu, an-abingasmardibe,
13 An burgwisana, nue-imas an meremainad,
14 Reymar-gannar-neg-dummagan-sobmalad-burgwismalad-abargi an obunnomainad.
15 Ar dule-nuga-nikamalad or-ibed-gudigusmalad-abargi, na e-neg-dummagangi ena mani-urbisgusmalad-abargi,
16 Igi sikwi amba yoo aideged-iba-omoe burgwar-aidenonidae,
17 Ar dule-isganamar burgwenonikile, ase e-ibmar-isgana-imaked bergusiid.
18 Ar dule-galesgudimalad burgwenonikile, ase na obunnosiid.
19 Ar dule-bulegana, degi, dule-belagwamaladi burwa-dulega gunonikile, bela na emarbi daklesiid, dule egi obined sulid.
20 ”Bab-Dummad, ¿ar ibiga be dule-naibi-itodiid gwalulegega be imaksa?
21 Ar wemar burgwebigudidaenad, ar geg burgwesunnad.
22 Ar wemar yeer itosmalaled,
23 Ar Bab-Dummad dulega igar-obured,
24 An-akiginnedi dii-aryomaiyobi gued,
25 Aka bur bule an ibmar-dobgudiid anga nagunonikid,
26 Neg-bogidikid bar anga naisulid, nue bar an obunnodisulid.