1 Job sogdebalid:
2 Dule-isganamar nainu-suegala, nainu-dikar-abingunaidgi dogdedamalad,
3 Sergan-satemalad-ibe moli-uayasuid susdamalad.
4 Dule-isganamar dule-wilemalad-igarba-abingualir, e-idu ainirmalaga imaked,
5 Dule-wilemalad, moli-uayasuid-sapurbalidyobi wakudaryalaba negsulidganba masbina gudidamalad.
6 Dule-wilemalad emar-nainuganse ibmar-obichad-weegala, naddamalad.
7 Dule-wilemalad mutikgusale, morsurmaladbali uka-swana megiddamalad.
8 Yalaganba dii-wiedba waradik gudidamalad,
9 Dule-isganamala, goe-bab-sated e-nan-annik sumalad.
10 Dule-wilegana mor-satedbali, uka-swiri gudidamalad.
11 We-dule-wilegana, olivo-gwallu-egurega e-naged-akwa obipirmaknagusdamalad.
12 Neggweburgine dule-burgwedanimamaid-e-akiginned magar itoleged.
13 ”Gwenna-gwenna dulemar igar-nued abedasurmalad, isdarsunna dakdamalad.
14 Dule-emar-gindaked dule-wilemalad-oburgwega, degi, ibmar-abesa-gudimalad-oburgwega, oibosayala gwisguardaed.
15 Dule-galagwensuli-e-omesulidbo-nanaed neg-mutikgued edarbedidaed,
16 Dule-ibmar-atursaed mutikidba emar-negse dogdaed.
17 Bela we-dule-isganamargala, neg-ibginedi mutikidyob gued.
18 Zofar weyob sogded:
19 Igi dad-dummad-gaedi, neg-diopisulidi, boo-batenaid berguega-imake,
20 Dule-isganamar-bergudele, e-nangan bar egi binsaosulid.
21 Dule-isganamar ome-geg-mimmi-baked, sabsur-imakdidamalad.
22 Degi-inigwele, Bab-Dummad e-garganguedba dule-isganamargi yoleged.
23 Bab-Dummad dule-bulegan-dobsuli imaked, degi, egi bensuli imaked,
24 Amar-e-nug unnila sikwas odummoleged, yog-berguar naddaed.
25 ”¿Doa anga sogosunna, an-sunmaknaidi gakanye?