1 Job sogdebalid:
2 Ar bemaryopira an wismogad,
3 Bur an Bab-Dummad-Bela-Gangued-Nikadbogwa an sunmakbied,
4 Ar bemardi unnila gakansamaladid,
5 Ar bemar wis boo ambikuele,
6 Emisgindi, nue an-sunmaked itomalo,
7 ¿Bemar Bab-Dummad-nuggi gakansaode?
8 ¿Ar bemar ega ibmar-nued imaknaiye binsasunde?
9 Ar Bab-Dummad bemar-wilubdaknonikile, ¿igi be gusmalale?
10 Ar bemar arbakee dule-wargwenbi bendakbigualile,
11 Ar Bab-Dummad-e-gargangued-yeerdakleged be-ogwayenonimalaled.
12 Ar bemar binsaed-nued-nika-sunmakedi binsaledid,
13 ”Mer bar sunmakmala, an sunmakmogwelo.
14 Ar an naibigubier, an naibiguodo,
15 Ar Bab-Dummad an-oburgwebiele, an-oburgodo.
16 Ar Bab-Dummad na e an-bendakoedid.
17 ”An-binsaed nue itomalo,
18 An-sunmakoed bato guakwaa an ilemaksad.
19 Ar dule-angi-yoleged-nikardina, bar an golosurdo,
20 ”Bab-Dummadye, ibmar-sogbo an bese egised.
21 Soggwengi: Mer bar be sabsur-an-odurdako.
22 Na san-bendakegala, be-asabin-gwisgudagega be anse gole,
23 Be anga soge, ibugi an begi isgusa, ibu ibmar-isganamar an imaksa,
24 Bab-Dummadye, ¿ar ibiga be angi dukue?
25 Ar andi gagan-dinnagana burwaba-seledaedyob gued.
26 Emide be, nunmaked-dummad-itogega be an-imaknaid.
27 Sepo-yaba be an-nag-odosad.
28 ”Dule urgo-nunguddaeyob berguddaed,