1 Agine Job, Zofarʼga weyob sogded:
2 “Ar bemar odurdaked-sailaye be sogmarsunde.
3 An bemaryobi binsaed nikamogad, gwen be angi obinsurmalad.
4 ”Gebeunni an Bab-Dummadse-gotele, Bab-Dummad an-abin-imakdaenad.
5 Dule-gwen-boni-itodisurmaladi weyob sogdemalad:
6 Dule-ibmar-atursamaladi, e-negyagi na yeer itodimalad.
7 ”Ibdurganse be ibmar egismalana,
8 Napneg-naidbogwa be sunmakena,
9 Ar wemar Bab-Jehová-bela-ibmar-imaksad,
10 Bab-Dummadgine, bela burba-dulad siid.
11 Ar uaya, ibmar-goled magar itoged,
12 Deginbali, dule-selebagus-gudimaladi, magasar neg-itomalad,
13 ”Ar Bab-Dummaddi bur bule binsaed-nikaa gued.
14 Ar Bab-Dummad ibmar-earisale, dule-wargwensaale bar sobosulid.
15 Ar Bab-Dummad dii-owisulile, bela ibmar dingudeled.
16 Bab-Dummadgine gargangued maid,
17 Ar Bab-Dummadi dule-binsaed-ibedmar-obingegsaed,
18 Bab-Dummad, reymar-ibe e-negsemamaid osuloged,
19 Bab-Dummad dule-irwa-Bab-Dummadse-gormalad-obingegsaed,
20 Bab-Dummad dule-binsaed-dakmalad-e-gaya-maked,
21 Bab-Dummad dule-nuga-nikamalad-obingegsaed,
22 Bab-Dummad ibmar-yaa-matusurmaladgi-bukwad magar-dakle imaked,
23 Bab-Dummad neggwebur-merguega imaked,
24 Bab-Dummad dule-dummagan-yar-sedimalad-ibe e-binsaed-oburega imaked.
25 Negsichigangi-unimakdiiyobi imaked,