1 Sión-yargine gar-trompeta ogormar,
2 A-ibagi, negasichid nagunonikoed,
3 We-dulemar sooyobi gumalad,
4 E-gangued, moliyob gangumalad.
5 Yar-birgi ichomakdemalale, bila-onomalad-ur-napagined-gollomakedyob, oimakmalad.
6 We-dulemar-asabin bela dulemar-we-napneggi-bukmalad gwakidmalad,
7 Bila-onomalad-buleganyobi urwemalad,
8 Na muchub-muchub-yolenanai gumalosulid,
9 We-dulemar neggweburgi sabsur ubononimaloed,
10 We-dulemar-bila-onomalad-abin napneg wawanmakdoed,
11 Bab-Jehová, e-sordamar-idu-nadapi,
12 Bab-Jehová weyob soged:
13 Wile-itogedbali, mer mor-esirmakedgi be binsamar.
14 Abakale, Bab-Dummad binsaed gwakalile, igi-barsaye sokalile,
15 Sión-yar-birgi gar-trompeta ogormalo,
16 Bela dulemar-bukwad-onmakega imakmalo,
17 Bab-Dummad-neg-yawagak-siid,
18 Geb degine, Bab-Jehová na e-sabgued e-yarga oyosad,
19 Bab-Jehová e-dulamarga weyob sogded:
20 ”Dule-dad-nakwed-argan-sapiledsik-danikid an bemargi-banguega imakoed,
21 An-yargi-bukmalad mer-dobgumala,
22 Ibdula-sapurbarmalad, mer dobgumala,
23 Sión-dulemar weligwar-itomar,
24 Ibmar-gwag-saboged-negmar ibmar-gwag ena sigoed.
25 Bab-Jehová soged:
26 Bemar obinebaka, nue-immelegedse gunmaloed,
27 Geb degine, wisgumaloed,
28 Bab-Jehová sogdebalid:
29 A-ibagangi, An-Burba, mai-machergangi, mai-omegangi, an odenonibaloed.
30 Ibmar-gegerdakleged nibneggine, napneggine, an oyogoed.
31 Bab-Jehová-e-iba-dobegwar-itoleged-danikoed-idu,
32 Bela dulemar e-Bab-Dummadga Bab-Jehová-imakmaladi, abonolemaloed.