1 An-ai-nued-nuggi an namakoed,
2 Na napa nudaksagusad, akwa-murugan obelosgusad.
3 Bab-Jehová soged:
4 ¿Ar ibu-ibmar an-uva-nainuga an imaksasuli?
5 An bega sogmalodo, igi an-uva-nainu an imakoe:
6 Bela swanga-nai an imakoed,
7 Israel-dulemar Bab-Jehová-Bela-Gangued-Nikad-e-uva-nainu gued.
8 Dulemar emar-idu neg-sobe-sobe-gudimalad, ¡dule-wilesmar!
9 Bab-Jehová-Bela-Gangued-Nikad weyob an-uayagwar anga ibmar-sogsad:
10 Uva-nainu-dummagan sogapaa naidi,
11 Dulemar wakudaryalaba-mumguega-gwisguardamaladi, ¡duledar-wilesmar!
12 Be-iba-onomaladgi vino-bukidar nikadamalad,
13 An-dulamar an-itobisurmalad-ulale, gales seledmaloed.
14 A-ulale, burgwarmalad-meged-galu-e-yaa sabsur-argas maid.
15 Dulemar sabsur-ibitomaloed, emarse ibmarbina-wiledii gudmaloed.
16 Ar Bab-Jehová-Bela-Gangued-Nikadi igar-innikigwadba e-nug ogannolegoed,
17 Sibad-wawaad-senigana, e-nainu-sunnadyobi, egi gagan-ara-aramalad-madii gudmaloed.
18 Dule isguedse-ebipiledimalad, ¡duledar-wilesmarsun!
19 Na sogdimalad: “Bab-Dummad gwae dagye.
20 Dulemar, igar-isgana igar-nueganga-imakdidiidi, ¡duledar-wilesmar!
21 Dule, binsaed-ibedga na san-sadimaladi, ¡duledar-wilesmar!
22 Bemar vino-gobedsik-bulegan-gudimaladi, ¡be duledar-wilesmar!
23 Bemar dule-baiganse-manigi-baklegar, dule-ibmar-isgana-imaksad-galessiid-onodamaladi, ¡duledar-wilesmar!
24 A-ulale, igi-soo-ditismaked gagan-ogumakdedae,
25 A-ulale, Bab-Jehová e-dulemarse sabsur-urwed,
26 Bab-Jehováʼdi, dulemar-yar-baid-baidgi-dikasur-bukwadse-golegala, bander onakoed.
27 We-dulemar, dutusurmalad, gwen yeguosurmalad.
28 E-sigumar ise-swiswidikidbioed,
29 Sorda-bila-onomalad-e-goledi, achumigur-nono-wawaadyob goledbioed.
30 A-ibagangine, we-dulemar Israel-dulemargi demar-dummad-arwemaiyobi gwichigunonikoed.