1 Dulemar-yar-baid-baidgi-bukmalad, gayaburba-itogega wese be walikgudamar.
2 Bab-Jehová, dulemar-yar-baid-baidgi-bukmaladse bela urwemaid.
3 Dule-girgumaloedi, bela omiledoed,
4 Niismar-mogir-imbaba-nanaid bar daklegosulid,
5 Bab-Jehová weyob sogye:
6 Bab-Jehová-e-es-suid bela ablisbi naid,
7 Moli-bebe-nikad-ursirmalad egi gwichigudmaloed.
8 Ar ade, Bab-Jehováʼga buged-imaked-iba gued,
9 Edom-yar-e-dianmala baryaga binnidoed,
10 Bane-bane barya uediki-ganaidbi guoed, gwen akinnosulid,
11 Noomargii-daklemalad egi neg-egwannoed,
12 Dule-nuga-nikamalad-sate guoed, yalaye bar bilegosulid.
13 E-reynegmargine ikomarbi bipirmakdoed,
14 Nega-dulesulidganba ibmar-durgan-ursilimalad-bukwadi, achu-sapurmarbo atodoed.
15 A-neggine, irmonmar e-uu soboed,
16 Bab-Jehová-gardase be idako, agi be nue-absogo:
17 Ar Bab-Dummad ega negmar amisad, ega yala uksad.