1 Gukur-burgwaled neg-nunu-yapanne imaked,
2 Dule-binsaed-ibed-e-gwage ibmar-nued-imakedgi binsaed.
3 Dule-binsaedsulidaed, ar ibu imakalile, e-ibmar-imakedgi magasar na oyoged,
4 Dule-sapin-dummad-negsemaid bese ulualile, mer be abin-imakdebin sao.
5 We-napneggi-gudiidgine, an daksabalid, sapin-dummagan-negsemamaidi, weyob ibmar noar-imakdimalad:
6 Dule-binsaedsulidaedgala, aka arbaed-nuegan ukleged. Ar dule-bur-nabir-binsamaladgardina, arbaed-baisulid ega ukleged.
7 An daksabalid, dule-maiga-gudimaladi, moli-birgi-sii gudidamalad. Ar dule-nuga-nikamaladdina, maiga-gudiiyob nagab galitodidamalad.
8 Dule yaa-matusur-akwisdibe, sunna egi argwaned.
9 Dule, akwa mamarye-sogdibe, sunna akwagi nailikgued.
10 Ar akan e-nugar-berguddibe, e-nugar ebillesurbardibe, ibmar-sikegala, sabsur achiklegergebed.
11 Ar naibe gar-ogoledba-ododoleged-iduar, dule-ega-gar-ogoledgi warmaksadibe,
12 Dule-binsaed-ibed-e-sunmaked yeer itoledaed,
13 Dule-binsaedsulidaed gebe sunmakdele, e-gaya-miedi, gwen nabir sunmaksulid.
14 Degite, sunmaknaigusale, gayaburbamar suli-suli amisulid.
15 Dule-binsaedsulidaed, arbaedgi baisursunna yegued.
16 Rey amba nuchukwagwar, neggwebur, wilesdakledaed.
17 Neggwebur-e-rey dule-nuga-nikaddibe, we-neggweburgi ise-nued binsalesad.
18 Wiedba neg-uas-nudaklesulile, neg-uas ayariddaed,
19 Wergulegegala, masgulleged-iba onoleged, yeer-itolegegala, vino goblebalid.
20 Reygi mer be ichakwa sunmako,